லங்காசிறி FM
உலகின் மிகப்பெரிய பணக்கார குடும்பங்கள் - டாப் 10 பட்டியல்
உலகின் மிகப்பெரிய பணக்கார குடும்பங்கள், பல நாடுகளின் மொத்த உள்நாட்டு உற்பத்தியை விட அதிக செல்வத்தை கொண்டுள்ளன.
பெரும்பாலான குடும்பங்கள் தங்கள் முன்னோர்கள் தொடங்கிய வணிக நிறுவனங்களின் வெற்றியால் பல தலைமுறைகளாக செல்வத்தை உருவாக்கியிருக்கின்றன.
இப்போது, உலகின் பணக்கார குடும்பங்களைப் பற்றிய தகவல்களை பார்க்கலாம்:
1. வால்டன் குடும்பம் (Walton Family)
நிறுவனம்: Walmart
செல்வம்: $432.4 பில்லியன்
சாம் வால்டன் தொடங்கிய Walmart, உலகின் மிகப்பெரிய சில்லறை வணிக நிறுவனமாக வளர்ந்துள்ளது. இந்நிறுவனத்தின் ஆண்டுச் வருமானம் $643-$681 பில்லியன் வரை இருப்பதாகக் கணிக்கப்படுகிறது. வால்டன் குடும்பம் நிறுவனத்தின் அரைபங்கு உடையதால், பல தலைமுறைகளாக செல்வம் சேர்த்து வருகிறார்கள்.
2. அல் நஹ்யான் குடும்பம் (Al Nahyan Family )
நிறுவனம்: அபு தாபி அரச குடும்பம்
செல்வம்: $323.9 பில்லியன்
ஐக்கிய அரபு அமீரகத்தின் அபு தாபி அரச குடும்பமான "ஹவுஸ் ஆப் நஹ்யான்" தங்கள் நாட்டின் எண்ணெய் வளங்களை கட்டுப்படுத்துவதன் மூலம் மகத்தான செல்வத்தை சேர்த்துள்ளது. ஷேக் முகமது பின் ஸாயீத் அல் நஹ்யான், ஐக்கிய அரபு அமீரகத்தின் அதிபராக இருக்கிறார்.
3. அல் தானி குடும்பம் (Al Thani Family)
நிறுவனம்: கத்தார் அரச குடும்பம்
செல்வம்: $172.9 பில்லியன்
கத்தார் நாட்டை 19-ஆம் நூற்றாண்டு முதலே ஆண்டுவரும் அல் தானி குடும்பம், 1995-ல் ஷேக் ஹமத் பின் கலீபா அல் தானி தனது தந்தையை பதவியிலிருந்து அகற்றிக் கொண்டு ஆட்சிக்கு வந்தார். இயற்கை எரிவாயு உற்பத்தியில் வளர்ச்சி காரணமாக, இக்குடும்பம் மிகப்பெரிய செல்வத்தை உருவாக்கியுள்ளது.
4. ஹெர்மெஸ் குடும்பம் (Hermès Family)
நிறுவனம்: Hermès
செல்வம்: $170.6 பில்லியன்
பிரான்ஸின் பிரபலமான Hermès ஃபேஷன் நிறுவனத்தின் மூலம், ஹெர்மெஸ் குடும்பம் கணிசமான செல்வத்தை பெற்றுள்ளது. பிரிக்கின் கைப்பைகள், சால்கள், டைகள் போன்றவற்றின் விற்பனை மூலம் இந்த குடும்பம் அதிக வருமானத்தை ஈட்டுகிறது.
5. கொச் குடும்பம் (Koch Family)
நிறுவனம்: Koch Industries
செல்வம்: $148.5 பில்லியன்
Koch Industries எண்ணெய் மற்றும் தொழில்துறை நிறுவனமாக திகழ்கிறது. இந்தக் குடும்பத்தில் ஏற்பட்ட உள் மோதலினால் நான்கு சகோதரர்களில் இருவர் மட்டுமே நிறுவனம் நடத்த வந்தனர். தற்போது, சார்ல்ஸ் கொச் நிறுவனம் இயக்கி வருகிறார்.
6. அல் சவூத் குடும்பம் (Al Saud Family)
நிறுவனம்: சவுதி அரச குடும்பம்
செல்வம்: $140 பில்லியன்
சவுதி அரேபிய அரச குடும்பமான அல் சவூத் 100 ஆண்டுகளாக ஆட்சி செய்கிறது. நாட்டின் எண்ணெய் வளங்களிலிருந்து இவர்கள் பெரும் வருவாய் பெற்றுள்ளனர். அரச குடும்பத்தின் சொத்து மதிப்பு முழுமையாக கணிக்க முடியாததால், இது கணிப்பாக வழங்கப்பட்ட ஒரு தொகை மட்டுமே.
7. மார்ஸ் குடும்பம் (Mars Family)
நிறுவனம்: Mars
செல்வம்: $133.8 பில்லியன்
1902-ம் ஆண்டு மோலாஸிஸ் கேன்டி விற்பனையைத் தொடங்கிய மார்ஸ் குடும்பம், இன்று M&M’s மற்றும் Mars Chocolate Bar போன்ற பிரபலமான தயாரிப்புகளால் உலகளாவிய வெற்றியைப் பெற்றுள்ளது. மேலும், இக்குடும்பம் செல்லப்பிராணி உணவு தொழிலில் கடும் வளர்ச்சி அடைந்துள்ளது.
8. அம்பானி குடும்பம் (Ambani Family)
நிறுவனம்: Reliance Industries
செல்வம்: $99.6 பில்லியன்
இந்தியாவின் பெரும் தொழிலதிபர்களான அம்பானி குடும்பம், ரிலையன்ஸ் நிறுவனத்தின் மூலம் உலகின் முதல் 10 பணக்கார குடும்பங்களில் ஒன்றாக திகழ்கிறது.
9. வெர்தெய்மர் குடும்பம் (Wertheimer Family)
நிறுவனம்: Chanel
செல்வம்: $88 பில்லியன்
Coco Chanel 1920-ஆம் ஆண்டு தனது No.5 பர்ஃப்யூம் மற்றும் பிரபலமான ‘little black dress’ வடிவமைப்புகளால் Chanel நிறுவனத்தை உலகப்புகழ்பெற்ற பிராண்டாக மாற்றினார். இந்த நிறுவனம் இன்று வெர்தெய்மர் குடும்பத்தினரின் கட்டுப்பாட்டில் உள்ளது.
10. தாம்சன் குடும்பம் (Thomson Family)
நிறுவனம்: Thomson Reuters
செல்வம்: $87.1 பில்லியன்
தாம்சன் குடும்பம், கனடாவின் மிகப்பெரிய பணக்கார குடும்பமாக திகழ்கிறது. முதலில் ரேடியோ வணிகத்திலிருந்து தங்கள் செல்வத்தை உருவாக்கிய இவர்கள், தற்போது Thomson Reuters ஊடக நிறுவனத்தின் 2/3 பங்கு வைத்துள்ளனர். இந்நிறுவனம் நீதித்துறை, வரி மற்றும் ஊடகத் தகவல் சேவைகள் போன்ற பல துறைகளில் செயல்படுகிறது.
உலகின் பணக்கார குடும்பங்கள் எண்ணெய், வணிகம், அரசியல், மற்றும் ஃபேஷன் போன்ற பல்வேறு துறைகளில் செல்வத்தை உருவாக்கியுள்ளனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
