சூறாவளி, பெருவெள்ளத்தை அனுபவிக்க சீனாவிற்குப் படையெடுக்கும் சுற்றுலாப் பயணிகள்

Tourists flock to experience a pretend typhoon: செயற்கையான சூறாவளியை அனுபவிக்க சுற்றுலாப் பயணிகள் திரண்டு வருகின்றனர்.

சீனாவில் செயற்கையான சூறாவளி மற்றும் பெருவெள்ளத்தை அனுபவிக்க சுற்றுலாப் பயணிகள் திரண்டு வருவதாக தகவல் வெளியாகியுள்ளது.

செயற்கையான

தென்மேற்கு சீனாவில் வசிக்கும் 28 வயது பெண் ஒருவர் சுமார் 1300 கி.மீ தொலைவு பயணம் செய்து இந்த விசித்திர அனுபவத்தைப் பெற்றுள்ளார். சுமார் 20 பேர்கல் கொண்ட குழுவுடன் இணைந்து, செயற்கையான பெருவெள்ளம் மற்றும் சூறாவளியை அவர் அனுபவித்துள்ளார்.

செயற்கையாக உருவாக்கப்பட்ட வெள்ளச் சூழலில் நின்றிருந்தபோது, ​​நூற்றுக்கணக்கான டன் தண்ணீர் மக்களை அடித்துச் சென்று பாதுகாப்புத் தடுப்பை நோக்கி நகர்த்தியதைக் கண்டதும், அவரது மனம் ஒரு கணம் செயலற்றுப் போயுள்ளது.

சூறாவளியும் பெருவெள்ளமும் செயற்கையாக உருவாக்கப்பட்டிருந்தாலும், அதன் உக்கிரம் கண்டு அவர் அது உண்மை என்று ஒரு கணம் நம்பியதாகவும் குறிப்பிட்டுள்ளார். இப்படியான அனுபவத்தை எந்த நூலும் எந்தப் பாடசாலையும் கற்றுத்தருவதில்லை என்றே அவர் குறிப்பிட்டுள்ளார்.

ரஷ்ய எண்ணெய் சுத்திகரிப்பு நிலையங்கள் மீதான தாக்குதல் ஒரு அவமானம்: அறிவித்த ட்ரம்ப்

சீன சமூக ஊடகங்களில் தற்போது இது துன்புறுவதற்காகப் பணம் செலுத்துவது, பயத்தை விலைக்கு வாங்குவதற்காகப் பணம் செலுத்துவது உள்ளிட்டவை டிரெண்டாகி வருகின்றன. சீனாவின் ஹாங்சோ பகுதியில் அமைந்துள்ள Lvxing Base என்ற நிறுவனமே, சுற்றுலாப் பயணிகளுக்கு இப்படியான பேரிடர் அனுபவங்களை வழங்கி வருகிறது.

இதன் நிறுவனர்கள் உலகின் மிகக் கடுமையான சூழல்கள் சிலவற்றில் ஆவணப்படங்களை உருவாக்குவதற்காக 10 ஆண்டுகளைச் செலவிட்டுள்ளனர்.

200,000 சதுர மீற்றர் பரப்பளவு கொண்ட இந்த வளாகத்தில், சூறாவளிகள் மற்றும் நிலச்சரிவுகள் போன்ற தீவிர வானிலைச் சூழல்கள் உருவகப்படுத்தப்படுகின்றன; இதன் மூலம், பேரிடர் காலங்களில் நிலவும் சூழல் எப்படி இருக்கும் என்பதைப் பங்கேற்பாளர்கள் அனுபவித்து அறிய முடியும்.

2024ல் செயல்படத் தொடங்கிய இந்த நிறுவனம், அடுத்த மூன்று ஆண்டுகளுக்குள் சீனா முழுவதும் மேலும் ஐந்து மையங்களைத் திறக்க திட்டமிட்டுள்ளது.

மேலும், நிலநடுக்கம் மற்றும் காட்டுத்தீ தொடர்பான உருவகப்படுத்துதல்களை (simulations) உருவாக்கவும் இந்த நிறுவனம் திட்டமிட்டுள்ளது. சீனத் தலைநகரில் ஹைடியான் பொதுப் பாதுகாப்பு அருங்காட்சியகத்தில், நகரும் தளங்கள் மற்றும் ஒலி விளைவுகளைக் கொண்ட 4D திரையரங்கைப் பயன்படுத்தி, நிலநடுக்கங்கள், சுனாமிகள் மற்றும் தீ விபத்துகள் போன்ற நிகழ்வுகளைச் சுற்றுலாப் பயணிகள் உருவகப்படுத்தப்பட்ட சூழலில் அனுபவிக்கின்றனர்.

67 மில்லியன் மக்கள்

சீனாவில் தீவிர வானிலை நிகழ்வுகள் பெருகி வருகின்றன. 2025-ஆம் ஆண்டில், பதிவுகள் தொடங்கப்பட்ட காலத்திலிருந்தே இல்லாத அளவுக்கு அதிக எண்ணிக்கையிலான வெப்பமான நாட்களைச் சீனா பதிவு செய்தது; மேலும், அந்நாடு 10 சூறாவளிகளின் தாக்கத்திற்கு உள்ளானது,

இது நீண்டகால ஆண்டு சராசரியை விட மிக அதிகம். சீனாவின் அவசரகால அமைச்சகம், நாடு முழுவதும் இத்தகைய பேரிடர்களால் 67 மில்லியன் மக்கள் பாதிக்கப்பட்டுள்ளதாகத் தெரிவித்துள்ளது.

2024-ஆம் ஆண்டில், பேரிடர் குறித்த ஆழ்ந்த அனுபவக் கல்வியை ஊக்குவிக்குமாறு உள்ளாட்சி அமைப்புகளுக்கு அறிவுறுத்தப்பட்டது.

அதன்படி, ஒரு உண்மையான நெருக்கடிச் சூழலில் எவ்வாறு செயல்படுவது என்பதை மக்களுக்குக் கற்பிப்பதற்காக, பாதுகாப்பு மையங்கள், அருங்காட்சியகங்கள் மற்றும் பயிற்சி மையங்கள் உருவகப்படுத்துதல்களைப் பயன்படுத்த வேண்டும் எனவும் அறிவுறுத்தப்பட்டது.