லங்காசிறி FM
ரூ.13,000 கோடிக்கு Toyota முதலீடு., ஆண்டுக்கு 1 லட்சம் கார்கள்.. கர்நாடகாவில் புதிய ஆலை
Toyota கார் நிறுவனம் இந்தியாவில் ரூ.13,000 கோடி முதலீட்டில் புதிய ஆலையை அமைக்கவுள்ளது.
முன்னணி வாகன உற்பத்தி நிறுவனமான டொயோட்டா கிர்லோஸ்கர் மோட்டார் (Toyota Kirloskar Motor) அதன் மூன்றாவது ஆலையை கர்நாடகாவின் பிடாடி நகரில் திறக்க திட்டமிட்டுள்ளது.
வரும் நாட்களில் இதற்காக ரூ.3300 கோடி (இலங்கை பணமதிப்பில் ரூ.13,045 கோடி) முதலீடு செய்யவுள்ளது.
நிறுவனம் அளித்த தகவலின்படி, இந்த உற்பத்தி ஆலை 2026-ஆம் ஆண்டு முதல் தொடங்கும், மேலும் இந்த ஆலை ஒவ்வொரு ஆண்டும் 1 லட்சம் கார்களை உற்பத்தி செய்ய வாய்ப்புள்ளது. இந்த தயாரிப்பு 2 ஷிப்டுகளில் நடைபெறும் என கூறப்படுகிறது.
ஏற்கனவே ஆண்டுக்கு 3.42 லட்சம் யூனிட்களை உற்பத்தி செய்யும் பிட்டி நகரில் உள்ள உற்பத்தி ஆலையுடன் இணைந்து இந்த நிறுவனம் அமைக்கப்படவுள்ளது.
Innova HyCross தவிர, பல பொருட்கள் தயாரிக்கப்படும்
எம்பிவி (Multi-Purpose Vehicle) ரக காரான Innova HyCross தவிர, எதிர்காலத்தில் தயாராக இருக்கும் மாடல்களும் இந்த புதிய ஆலையில் தயாரிக்கப்படும் என்று நிறுவனம் கூறுகிறது.
2000 வேலை வாய்ப்புகள் உருவாக்கப்படும்
மேலும் கர்நாடகாவில் தொடங்கப்படும் இந்த மூன்றாவது ஆலையால் 2000 பேருக்கு வேலை வாய்ப்பு கிடைக்கும் என தெரிவிக்கப்பட்டுள்ளது.
தற்போதுள்ள 2 ஆலைகளில் 11200 பேர் பணிபுரிகின்றனர். இந்த ஆலைக்காக கர்நாடக அரசுடன் நிறுவனம் புரிந்துணர்வு ஒப்பந்தத்தில் கையெழுத்திட்டுள்ளது. உள்ளூர் அமைப்பை உலகத்தரம் வாய்ந்ததாக மாற்றும் வகையில் எங்கள் நிறுவனம் அரசுடன் இணைந்து செயல்படும் என்று நிறுவனத்தின் நிர்வாக இயக்குனரும் தலைமை நிர்வாக அதிகாரியுமான மசகாசு யோஷிமுரா தெரிவித்தார்.
இந்நிறுவனத்திற்கு இந்திய சந்தை மிகவும் முக்கியமானது. இந்தியாவில் இந்த புதிய முதலீடு நிறுவனத்தின் உலகளாவிய பார்வையை முன்னோக்கி கொண்டு செல்லும்.
கடந்த ஆண்டு, டொயோட்டா குழும நிறுவனமும், டொயோட்டா கிர்லோஸ்கர் ஆட்டோ பார்ட்ஸ் நிறுவனமும் கர்நாடக அரசுடன் ரூ.4100 கோடி மதிப்பிலான புரிந்துணர்வு ஒப்பந்தத்தில் கையெழுத்திட்டன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Toyota Innova Hycross, Toyota Kirloskar Motors Karnataka, Toyota India, Toyota Production Unit
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
