இனி செல்போன் அழைப்புகளில் அழைப்பவரின் பெயர் தோன்றுவது கட்டாயம் - TRAI உத்தரவு

trai mandates show caller name from unknown number from november 1: நவம்பர் 1 முதல் சேமிக்காத எண்ணிலிருந்து அழைப்பு வந்தாலும், அழைப்பவரின் பெயர் தோன்றுவது கட்டாயம் என TRAI உத்தரவிட்டுள்ளது.

செல்போன் அழைப்புகளில் பெயர் தோன்றுவது கட்டாயம்

செல்போன்களில் அழைப்பு வரும் போது, நாம் சேமித்த எண்ணிலிருந்து வந்தால், நாம் என்ன பெயரில் சேமித்தோமோ அந்த பெயரை காட்டும்.

ஆனால், நாம் சேமிக்காத எண்ணிலிருந்து அழைப்பு வரும் போது, அந்த எண் மட்டுமே காட்டும். 

யார் அழைக்கிறார்கள் என தெரியாத நிலையில் இதன் மூலம் பல மோசடி சம்பவங்கள் நடைபெறுகிறது.

இதன் தடுக்கும் வகையில், சேமிக்காத எண்ணிலிருந்து அழைப்பு வந்தாலும் அழைப்பவரின் பெயர் கட்டாயமாக திரையில் தோன்ற வேண்டும் என ஏர்டெல், ஜியோ, வோடபோன், ஐடியா உள்ளிட்ட அனைத்து தொலைத்தொடர்பு நிறுவனங்களும் TRAI உத்தரவிட்டுள்ளது. 

ரோபோவிற்கு துணி மடிக்க கற்று கொடுத்து மாதம் ரூ.85,000 வருமானம்

நவம்பர் 1 முதல் இந்த உத்தரவு அமுலுக்கு வருகிறது.

இதன்படி, நீங்கள் ஏற்கனேவே சேமித்த எண்ணிலிருந்து வந்தால், என்ன பெயரில் சேமித்தீர்களோ அந்த பெயரை காட்டும். 

சேமிக்கப்படாத எண்களைப் பொறுத்தவரை, அழைப்பாளர் தங்களது தொலைத்தொடர்பு நிறுவனத்திடமிருந்து சிம் கார்டு பெற்ற போது KYC ஆவணங்களின் படி பதிவு செய்துள்ள பெயரே காட்டும்.

சர்வதேச அழைப்புகளை பொறுத்தவரை, 'INTERNATIONAL CALL' என்றே குறிப்பிடப்படும்.

இந்த புதிய பாதுகாப்பு வசதியானது முதற்கட்டமாக 4G மற்றும் 5G சிம் கார்டுகள் மற்றும் மேம்பட்ட வயர்லெஸ் நெட்வொர்க்குகளை கொண்ட மொபைல் போன்களில் முழுமையாக நடைமுறைப்படுத்தப்பட உள்ளது.

Calling Line Identification Restriction எனப்படும் அழைப்பாளர் அடையாளக் கட்டுப்பாட்டு வசதியை செயல்படுத்தியுள்ள பயனர்களின் பெயர்கள் காட்டப்படாது.