லங்காசிறி FM
உங்க கணவரை சொல்லும் போது ஒப்பாரி வைத்தீர்களே.. அப்போ தெரியலையா? பிரேமலதா மீது திருச்சி சூர்யா ஆவேசம்
தமிழக முதலமைச்சர் மு.க.ஸ்டாலின் உடல்நலம் குறித்து பிரேமலதா விஜயகாந்த் கருத்து கூறிய நிலையில் அவரை திருச்சி சூர்யா விமர்சனம் செய்துள்ளார்.
பிரேமலதா பேசியது
மின் கட்டண உயர்வு உள்ளிட்ட பல்வேறு கோரிக்கைகளை வலியுறுத்தி தமிழ்நாடு முழுவதும் தேமுதிக சார்பில் நடைபெற்ற கண்டன ஆர்ப்பாட்டத்தில் அக்கட்சியின் பொதுச்செயலாளர் பிரேமலதா விஜயகாந்த் கலந்து கொண்டார்.
பின்னர் செய்தியாளர்களை சந்தித்த பிரேமலதா விஜயகாந்த், "ஒரு முதலமைச்சர் எப்படி இருக்க வேண்டும். வேட்டியும் சட்டையும் தான் அணிய வேண்டும். ஆனால், அவர் பேண்ட் சட்டை அணிகிறார்.
அதற்கு காரணம் என்னவென்றால் அவரால் நடக்க முடியவில்லை, கைகளில் உதறல் இருக்கிறது. அவர் பெரிய உடல்நல பாதிப்பில் உள்ளார். அது தெரியக்கூடாது என்பதற்காக தான் பேண்ட் சட்டை அணிகிறார்.
கைகளில் உதறல் தெரியக்கூடாது என்பதற்காக கைகளை பேன்ட் பாக்கெட்டுக்குள் வைத்துக் கொள்கிறார்" என்று கூறினார். இவரின் கருத்து பெரும் சர்ச்சையை ஏற்படுத்தியது.
திருச்சி சூர்யா விமர்சனம்
பிரேமலதாவின் கருத்துக்கு திருச்சி சூர்யா தனது ட்விட்டர் எக்ஸ் தளத்தில், "முதலமைச்சர் என்றால் வேட்டி சட்டை தான் அணிய வேண்டும் என்று சட்டமா?
ஜெகன்மோகன் ரெட்டி முதலமைச்சர் ஆக இருந்தபோது ஒரு நாள் கூட வேஷ்டி அணிந்ததில்லை. அப்போ அவரை முதலமைச்சராக ஏற்றுக் கொள்ள மாட்டீர்களா?
ஊரில் இருப்பவர்கள் இதே போல் உங்கள் கணவரை விமர்சனம் செய்தபோதும், பத்திரிகையாளர்கள் முன்பு ஒப்பாரி வைத்து புலம்பத் தெரிந்த உங்களுக்கு முதலமைச்சரை விமர்சனம் செய்யும் போது அந்த நாகரிகம் தெரியவில்லையா?
கேப்டன் உடல்நிலை குன்றி இருந்த சமயத்தில் திமுகவை சேர்ந்தவர்கள் யாரும் அவரை விமர்சனம் செய்யக்கூடாது என்றும், உங்கள் கட்சியில் இருந்து முக்கிய பிரமுகர்கள் திமுகவில் சேர வந்த பொழுது கேப்டனுக்கு உடம்பு முடியாத நேரத்தில் இப்படி செய்தால் அவர் மனம் புண்படும் எனவே அவர்களை சேர்க்காதீர்கள் என்று கூறி தவிர்த்து, கேப்டன் மறைவுக்கு தமிழக அரசால் அரசாங்க மரியாதை அளித்த முதல் அமைச்சருக்கு நீங்கள் செலுத்தும் நன்றி கடனா இது?" என்று கடுமையாக விமர்சனம் செய்து பதிவிட்டுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
