லங்காசிறி FM
இந்திய விவசாய பொருட்களுக்கு 100% வரி! இந்தியாவிடம் கேள்வி எழுப்பிய டிரம்ப்?
அமெரிக்க ஜனாதிபதி டொனால்டு டிரம்ப், இந்திய விவசாயப் பொருட்களுக்கு 100% வரை வரி விதிக்க தீவிரமாக பரிசீலித்து வருவதாக தகவல்கள் வெளியாகியுள்ளன.
இந்திய விவசாயப் பொருட்களுக்கு 100% வரி
வெள்ளை மாளிகை வட்டாரங்களின்படி, ஏப்ரல் 2 முதல் பரஸ்பர வரி விதிப்பு அமலுக்கு வரும் நிலையில், இந்தியாவிலிருந்து இறக்குமதி செய்யப்படும் விவசாயப் பொருட்களுக்கு அதிக வரி விதிக்க டிரம்ப் திட்டமிட்டு இருப்பதாக தகவல்கள் கூறப்படுகிறது.
இது குறித்து வெள்ளை மாளிகை செய்தித் தொடர்பாளர் கரோலின் லீவிட் வழங்கிய தகவலில், "அமெரிக்கப் பொருட்களுக்கு பிற நாடுகள் அதிக வரி விதிப்பதால், அமெரிக்க ஏற்றுமதியாளர்கள் கடுமையாக பாதிக்கப்படுகின்றனர்.
குறிப்பாக, இந்தியா அமெரிக்க விவசாயப் பொருட்களுக்கு 100% வரி விதிக்கிறது.
ஐரோப்பிய ஒன்றியம் பால் பொருட்களுக்கு 50% வரியும், ஜப்பான் 700% வரியும் விதிக்கிறது. கனடா வெண்ணெய் மற்றும் சீஸ் மீது சுமார் 300% வரி விதிக்கிறது.
இதனால் அமெரிக்கா நீண்ட காலமாக சுரண்டப்படுகிறது. இந்நிலையில் ஜனாதிபதி ட்ரம்ப் எடுத்த துணிச்சலான முடிவுகள் அமெரிக்காவுக்கு வரலாற்று சிறப்பு மிக்க மாற்றத்தை ஏற்படுத்தும் என தெரிவித்தார்.
அத்துடன் எனவே, அமெரிக்க ஏற்றுமதிக்கு பிற நாடுகள் விதிக்கும் அளவுக்கு பரஸ்பர வரி விதிப்பை அமல்படுத்தும் நேரம் வந்துவிட்டது.
இந்த பரஸ்பர வரி விதிப்பு திட்டம் ஏப்ரல் 2 முதல் அமலுக்கு வருகிறது" என்று தெரிவித்துள்ளார்.
இந்தியாவுக்கு கேள்வி எழுப்பிய டிரம்ப்?
வரி விதிப்பு குறித்து செய்தியாளர்களை சந்தித்த ஜனாதிபதி டிரம்ப், "அமெரிக்க பொருட்களுக்கு கணிசமான வரிகளை குறைக்க இந்தியா திட்டமிட்டுள்ளது எனது கவனத்துக்கு வந்துள்ளது.
அவர்கள் ஏன் இதை நீண்ட காலத்திற்கு முன்பே செய்யவில்லை என்பதே எனது கேள்வி" என டிரம்ப் குறிப்பிட்டார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
அல்வாய் வடக்கு, உடுப்பிட்டி, ஜேர்மனி, Germany, Scarborough, Canada
06 Jul, 2025
புதுக்குளம், Ilford, United Kingdom, பிரித்தானியா, United Kingdom
10 Jul, 2019
