லங்காசிறி FM
அதிகரிக்கும் போர் நெருக்கடி... வான்வெளி மூடப்பட்டதாக அறிவித்த ட்ரம்ப்
இராணுவ நடவடிக்கைகள் குறித்த நெருக்கடி அதிகரித்து வரும் நிலையில், வெனிசுலாவிற்கு மேலேயும் அதைச் சுற்றியுள்ள வான்வெளியும் முழுமையாக மூடப்பட்டுள்ளது என்று ஜனாதிபதி ட்ரம்ப் அறிவித்துள்ளார்.
கருத்தில் கொள்ளுங்கள்
தமது Truth சமூக ஊடகத்தில் பதிவிட்ட ட்ரம்ப், இதை உறுதி செய்துள்ளார். அனைத்து விமான நிறுவனங்கள், விமானிகள், போதைப்பொருள் விற்பனையாளர்கள் மற்றும் மனித கடத்தல்காரர்கள் ஆகியோர், தயவுசெய்து கருத்தில் கொள்ளுங்கள் என்றும் ட்ரம்ப் குறிப்பிட்டுள்ளார்.
மோசமான பாதுகாப்பு நிலைமை காரணமாக வெனிசுலா மீது பறக்கும்போது ஆபத்தான சூழ்நிலை ஏற்படக்கூடும் என்று அமெரிக்க ஃப்டரல் விமான நிர்வாகம் (FAA) முக்கிய விமான நிறுவனங்களுக்கு எச்சரிக்கை விடுத்ததைத் தொடர்ந்து ட்ரம்பின் அறிவிப்பு வெளியாகியுள்ளது.
தென் அமெரிக்காவிற்கு அப்பால் அமெரிக்க இராணுவக் குவிப்பு மற்றும் வெனிசுலா மற்றும் கொலம்பியாவிற்கு அப்பால் சர்வதேச கடல் பகுதியில் கப்பல்களை குறிவைத்துள்ளதுடன், இராணுவத் தாக்குதல்கள் நடத்தியதன் விளைவாக குறைந்தது 83 பேர் கொல்லப்பட்ட சம்பவத்தால், இரு நாடுகளுக்கும் இடையே நெருக்கடியான சூழல் உருவாகியுள்ளது.
வெனிசுலா நிர்வாகம், அப்பாவி மீனவர்கள் மீது அமெரிக்கா தாக்குதல் நடத்துவதாக குற்றச்சாட்டியுள்ள நிலையில், போதைப்பொருள் கடத்தல் குழுக்களையே குறிவைத்ததாக ட்ரம்ப் நிர்வாகம் பதிலளித்துள்ளது.
போருக்கு தயார் நிலை
ஆனால், அமெரிக்க இராணுவம் சட்டத்திற்குப் புறம்பான தாக்குதல்களை முன்னெடுப்பதாகவும், கொல்லப்பட்டவர்களில் பெரும்பாலோர் மீனவர்கள் என்றும் லத்தீன் அமெரிக்க தலைவர்கள், சர்வதேச சட்ட வல்லுநர்கள் மற்றும் பாதிக்கப்பட்டவர்களின் உறவினர்கள், சில அமெரிக்க காங்கிரஸ் உறுப்பினர்கள் உள்ளிட்டவர்கள் வலியுறுத்துகின்றனர்.
இந்த நிலையில், இந்தப் பிராந்தியத்தில் இராணுவப் படையெடுப்பை ட்ரம்ப் பயன்படுத்துவார் என்ற கவலைகள் தற்போது அதிகரித்துள்ளது.
ஆயிரக்கணக்கான அமெரிக்க துருப்புக்கள், ஒரு அணுசக்தி நீர்மூழ்கிக் கப்பல் மற்றும் USS ஜெரால்ட் ஆர் ஃபோர்டுக்கு துணையாகச் செல்லும் போர்க்கப்பல்கள் என ட்ரம்ப் நிர்வாகம் ஒரு போருக்கு தயார் நிலையிலேயே உள்ளது.
ஆனால், தனது நாட்டில் தலையிடுவதை நியாயப்படுத்தும் முயற்சியில், அமெரிக்கா தனது சாக்குப்போக்குகளையும் பொய்களையும் கூறி வருவதாக ஜனாதிபதி மதுரோ கூறியுள்ளார். அத்துடன், வான்வெளி முழுமையாக மூடப்பட்டுள்ளதாக ட்ரம்ப் அறிவித்ததையும் கடுமையாக விமர்சித்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
