லங்காசிறி FM
ஈரான் அணு ஆயுதம் தயாரிப்பதற்கான ஆதாரம் இல்லை என அமெரிக்க உளவுத்துறை: மறுக்கும் ட்ரம்ப்
ஈரான் அணு ஆயுதத்தை தயாரிப்பதற்கான எந்த ஆதாரமும் இல்லை என்று உளவுத்துறை இயக்குநர் துளசி கப்பார்ட் கூறியது தவறு என்று ட்ரம்ப் தெரிவித்துள்ளார்.
மாதங்களுக்குள்
அமெரிக்க உளவுத்துறை சமூகம் ஈரான் அணு ஆயுதத்தை உருவாக்கவில்லை என்று தொடர்ந்து நம்புவதாக கடந்த மார்ச் மாதம் கப்பார்ட் காங்கிரசில் சாட்சியமளித்தார்.
இந்த நிலையில் வெள்ளிக்கிழமை சமூக ஊடகத்தில் பதிவிட்ட துளசி கப்பார்ட், ஈரான் நாடாளுமன்றம் முடிவு செய்தால், வாரங்கள் அல்லது மாதங்களுக்குள் அணு ஆயுதத்தை தயாரிக்கும் நிலையில் இருப்பதாக அமெரிக்காவிற்கு உளவுத்துறை தகவல்கள் உள்ளன. அது நடக்காது என்பதில் ஜனாதிபதி ட்ரம்ப் தெளிவாக உள்ளார், நானும் அதை ஒப்புக்கொள்கிறேன் என்றார்.
மேலும், மார்ச் மாதத்தில் தாம் குறிப்பிட்ட தகவல்களை ஊடகங்கள் தவறாக வெளியிட்டதாகவும் கப்பார்ட் குறிப்பிட்டுள்ளார். இதையே ட்ரம்பும் பதிவு செய்துள்ளார். மேலும், ஈரானிய அணுசக்தி மற்றும் இராணுவ இலக்குகள் மீது ஒரு வாரம் வான்வழித் தாக்குதல்களை நியாயப்படுத்திய இஸ்ரேல் பிரதமர் பெஞ்சமின் நெதன்யாகு, ஈரான் அணு ஆயுதத்தை உருவாக்குவதன் விளிம்பில் இருப்பதாகக் கூறினார்.
ஆனால், ஈரான் அணு ஆயுதங்களை உருவாக்குவதில்லை என்றும், அதன் யுரேனியம் செறிவூட்டல் திட்டம் அமைதியான நோக்கங்களுக்காக மட்டுமே என்று கூறுகிறது.
ட்ரம்ப் ஏற்பதில்லை
மார்ச் மாதத்தில், ஈரானின் செறிவூட்டப்பட்ட யுரேனியம் கையிருப்பு, அத்தகைய ஆயுதங்கள் இல்லாத ஒரு நாட்டிற்கு தேவையில்லாதது என்று கப்பார்ட் தெரிவித்திருந்தார்.
மட்டுமின்றி, ஈரான் அணு ஆயுதங்களைப் பற்றி பொதுவில் விவாதிக்கத் தொடங்கியுள்ளதாகவும் அவர் கூறியிருந்தார். மார்ச் மாதத்தில் கப்பார்ட் கூறியிருந்ததில் எந்த மாற்றுக்கருத்தும் இல்லை என்றும், அடுத்த மூன்றாண்டுக்குள் ஈரான் அணு ஆயுதம் தயாரிக்கும் நிலைக்கு உயரும் என்றும், அதன் விருப்பமான இலக்கை அது தாக்கும் என்றும் அமெரிக்க உளவுத்துறை உறுதி செய்திருந்தது.
பொதுவாகவே அமெரிக்க உளவுத்துறையால் திரட்டப்படும் தரவுகளை ட்ரம்ப் எப்போதும் ஏற்பதில்லை. ஜனாதிபதி ட்ரம்ப் தனது முதல் பதவிக் காலத்தில் அமெரிக்க உளவு நிறுவனங்களுடன் பலமுறை மோதினார், 2016 ஜனாதிபதி வாக்கெடுப்பை தனக்கு சாதகமாக மாற்ற ரஷ்யா செயல்பட்டதாக உளவு அமைப்புகள் எச்சரித்ததையும் ட்ரம்ப் ஏற்க மறுத்திருந்தார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
