லங்காசிறி FM
டிரம்பின் புதிய சட்டவிரோத குடியேற்ற விதி: சட்டவிரோதமாக நுழையும் இந்தியர்களின் எண்ணிக்கை 70% வீழ்ச்சி
அமெரிக்க ஜனாதிபதியாக டொனால்டு டிரம்ப் இரண்டாவது முறையாகப் பதவியேற்ற பிறகு, சட்டவிரோத குடியேற்றத்தைக் கட்டுப்படுத்த கடுமையான நடவடிக்கைகளை மேற்கொண்டுள்ளார்.
இதன் விளைவாக, சட்டவிரோதமாக அமெரிக்காவுக்குள் நுழைய முயற்சிக்கும் வெளிநாட்டவர்களின் எண்ணிக்கை, குறிப்பாக இந்தியர்களின் எண்ணிக்கை, கணிசமாகக் குறைந்துள்ளது.
டிரம்பின் புதிய கொள்கை
ஜனாதிபதி டிரம்ப் தனது இரண்டாவது ஆட்சிக்காலத்தில் பதவியேற்றவுடன், ஆவணமற்ற குடியேற்றக்காரர்களை நாடு கடத்தும் கடுமையான கொள்கையை அமல்படுத்தினார்.
இதில், இந்தியக் குடிமக்களை ராணுவ விமானங்கள் மூலம் திருப்பி அனுப்பியதும் அடங்கும். மேலும், அமெரிக்காவில் குடியேற விரும்புபவர்களுக்கான விசா நடைமுறைகளையும் அவரது நிர்வாகம் கடுமையாக்கியுள்ளது.
இது ஒட்டுமொத்தமாக அமெரிக்காவுக்கு வரும் வெளிநாட்டவர்களின் எண்ணிக்கையில் பெரும் சரிவை ஏற்படுத்தியுள்ளது.
இந்தியர்களின் எண்ணிக்கை 70% குறைவு
இந்தக் கொள்கைகளின் தாக்கம் இந்தியக் குடியேற்ற ஆர்வலர்களிடையே தெளிவாகத் தெரிகிறது. கடந்த ஆண்டை ஒப்பிடுகையில், அமெரிக்காவுக்குள் சட்டவிரோதமாக நுழையும் இந்தியர்களின் எண்ணிக்கை 70% குறைந்துள்ளதாக தகவல்கள் தெரிவிக்கின்றன.
முன்னாள் அதிபர் ஜோ பைடனின் நிர்வாகத்தின் கீழ், சட்டவிரோதமாக நுழைபவர்கள் பொதுவாக கைது செய்யப்பட்டு, காவலில் வைக்கப்பட்டு, பின்னர் சில கட்டுப்பாடுகளுடன் விடுவிக்கப்பட்டனர்.
இதன் மூலம் அவர்கள் அமெரிக்காவில் தங்குவதற்கு அனுமதி கிடைத்தது. ஆனால், அதிபர் டிரம்ப் இந்தக் நடைமுறையை முற்றிலுமாக ரத்து செய்துவிட்டார்.
அமெரிக்க குடியேற்ற மற்றும் எல்லைப் பாதுகாப்புப் பிரிவு வெளியிட்டுள்ள தரவுகள் இதற்கான கடுமையான வேறுபாட்டை வெளிப்படுத்துகின்றன.
கடந்த ஆண்டு ஜனவரி முதல் மே மாதம் வரை, அதிபர் பைடன் ஆட்சியில், 34,535 இந்தியர்கள் சட்டவிரோதமாக அமெரிக்காவுக்குள் நுழைந்திருந்தனர். ஆனால், அதிபர் டிரம்ப் மீண்டும் தேர்ந்தெடுக்கப்பட்ட பிறகு, இந்த எண்ணிக்கை 10,382 ஆகக் குறைந்துள்ளது.
அமெரிக்க கனவில் தங்கள் உயிரைப் பணயம் வைத்து வரும் இவர்களில், பிடிபட்டவர்களில் 30 பேர் 18 வயதுக்குட்பட்ட சிறுமிகள் ஆவர். இவர்களில் பெரும்பாலானோர் இந்திய மாநிலமான குஜராத்தைச் சேர்ந்தவர்கள் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
