லங்காசிறி FM
பேச்சுவார்த்தைகளுக்கு நடுவே... ஈரானுடன் வர்த்தகம் செய்யும் நாடுகளுக்கு வரி விதித்த ட்ரம்ப்
அமெரிக்க ஜனாதிபதி டொனால்ட் ட்ரம்ப் வெள்ளிக்கிழமை அன்று கையெழுத்திட்ட ஒரு நிர்வாக உத்தரவில், ஈரானுடன் தொடர்ந்து வர்த்தகம் செய்யும் நாடுகள் மீது கூடுதல் வரிகளை விதிக்கக்கூடும் என்று குறிப்பிட்டுள்ளார்.
எந்தவொரு நாட்டிலிருந்தும்
விதிக்கக்கூடிய விகிதத்தை அந்த உத்தரவில் குறிப்பிடவில்லை, ஆனால் 25 சதவீதமாக இருக்கலாம் என்றே நம்பப்படுகிறது.
ஈரானிடமிருந்து நேரடியாகவோ அல்லது மறைமுகமாகவோ எந்தவொரு பொருட்கள் அல்லது சேவைகளையும் வாங்கும், இறக்குமதி செய்யும் அல்லது வேறுவிதமாகப் பெறும் எந்தவொரு நாட்டிலிருந்தும் அமெரிக்காவிற்கு இறக்குமதி செய்யப்படும் பொருட்களுக்கும் இது பொருந்தும் என்றும் தெரிவிக்கப்பட்டுள்ளது.
வரி விதிப்பு தொடர்பான நிர்வாக உத்தரவு குறித்து கருத்து தெரிவிக்க அவர் மறுத்த நிலையில், ஈரானுக்கு அணு ஆயுதம் கூடாது என்பதில் அமெரிக்கா உறுதியாக இருப்பதாக தெரிவித்துள்ளார்.
இரு தரப்பிலிருந்தும் பல வாரங்களாக அச்சுறுத்தல்கள் விடுக்கப்பட்டதைத் தொடர்ந்து, ஓமானில் அமெரிக்க மற்றும் ஈரானிய உயர்மட்ட அதிகாரிகளுக்கு இடையே நடைபெற்று வரும் பேச்சுவார்த்தைகளுக்கு மத்தியில் ட்ரம்பின் இந்த நிர்வாக உத்தரவு வெளியாகியுள்ளது.
இந்த ஆண்டின் தொடக்கத்தில், ஈரானுடன் வர்த்தகம் செய்யும் நாடுகளுக்கு 25 சதவீத வரி விதிப்பதாக ட்ரம்ப் அச்சுறுத்தினார். அந்த நேரத்தில், இந்த வரிகள் நடைமுறையில் எவ்வாறு செயல்படும் என்பது குறித்த மேலதிக விவரங்கள் எதுவும் வழங்கப்படவில்லை.
இந்த சமீபத்திய நிர்வாக ஆணை ஈரானைப் பொறுத்தவரை நிலவி வரும் தேசிய அவசரநிலையை மீண்டும் உறுதிப்படுத்துகிறது என்றும், சூழ்நிலைகள் மாறினால் ஜனாதிபதி ட்ரம்ப் அதைத் திருத்தக்கூடும் என்றும் வெள்ளை மாளிகை தெரிவித்துள்ளது.
மேலும், அணுசக்தி திறன்களைப் பின்தொடர்வது, பயங்கரவாதத்தை ஆதரிப்பது, பாலிஸ்டிக் ஏவுகணை மேம்பாடு மற்றும் அமெரிக்க பாதுகாப்பு, நட்பு நாடுகள் மற்றும் நலன்களுக்கு ஆபத்தை விளைவிக்கும் பிராந்திய ஸ்திரமின்மைக்கு ஈரானை ஜனாதிபதி ட்ரம்ப் பொறுப்பேற்கச் செய்கிறார் என்றே வெள்ளை மாளிகை குறிப்பிட்டுள்ளது.
கடுமையானதாக இருக்கும்
இதனிடையே, வெள்ளிக்கிழமை ஓமானில் தொடங்கிய இந்தத் தற்போதைய பேச்சுவார்த்தைகள், கடந்த ஜூன் மாதத்திற்குப் பிறகு அமெரிக்க மற்றும் ஈரான் அதிகாரிகளை உள்ளடக்கிய முதல் பேச்சுவார்த்தைகளாகும்.
ஈரான் தூதுக்குழுவிற்கு ஈரானிய வெளிவிவகார அமைச்சர் அப்பாஸ் அரக்சி தலைமை தாங்கினார், அதே நேரத்தில் அமெரிக்கா சார்பில் சிறப்புத் தூதர் ஸ்டீவ் விட்காஃப் மற்றும் ட்ரம்ப்பின் மருமகன் ஜாரெட் குஷ்னர் ஆகியோர் கலந்துகொண்டனர்.
இந்த நிலையில், இதுவரையான பேச்சுவார்த்தைகள் சுமூகமாக நடந்துள்ளதாகவும், ஆனால் அவர்கள் ஒரு ஒப்பந்தத்திற்கு முன்வராவிட்டால், அதன் விளைவுகள் மிகவும் கடுமையானதாக இருக்கும் என்றும் ட்ரம்ப் மிரட்டல் விடுத்துள்ளார்.
ஈரானின் அணுசக்தித் திட்டம் முற்றிலும் அமைதியான நோக்கங்களுக்கானது என்று அந்த நாடு வலியுறுத்தி வருகிறது. அணு ஆயுதங்களை உருவாக்க முயற்சிப்பதாக அமெரிக்காவும் இஸ்ரேல் உள்ளிட்ட அதன் நேச நாடுகளும் முன்வைக்கும் குற்றச்சாட்டுகளையும் ஈரான் தொடர்ச்சியாக மறுத்து வருகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
புங்குடுதீவு 3ம் வட்டாரம், கோண்டாவில்
10 Feb, 1996
வேலணை புளியங்கூடல், ஊர்காவற்துறை
05 Feb, 2016
4th ward,Puthukkudiyiruppu, Mullaitivu, London, United Kingdom
04 Feb, 2011
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, கிளிநொச்சி, Islington, United Kingdom
28 Jan, 2026
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
