லங்காசிறி FM
ஐரோப்பிய நாடுகளுக்கு எதிராக 100% இறக்குமதி வரி: புதிய எச்சரிக்கை விடுத்த டிரம்ப்
அமெரிக்க நிறுவனங்கள் மீது டிஜிட்டல் சேவை வரியை விதிக்கும் நாடுகளுக்கு எதிராக 100% வரி விதிக்கப்படும் என்று டிரம்ப் எச்சரிக்கை விடுத்துள்ளார்.
100 சதவீத வரி விதிப்பு
வெள்ளிக்கிழமை அமெரிக்க ஜனாதிபதி டொனால்ட் டிரம்ப் வெளியிட்ட தகவலில், அமெரிக்க நிறுவனங்கள் மீது டிஜிட்டல் சேவை வரியை(Digital Service Tax) விதிக்கும் நாடுகள் மீது 100% இறக்குமதி வரி விதிக்கப்படும் என்று எச்சரித்துள்ளார்.
இது தொடர்பாக ஜனாதிபதி டொனால்ட் டிரம்ப் தன்னுடைய ட்ரூத் சோஷியல் தளத்தில் வெளியிட்ட பதிவில், சில ஐரோப்பிய நாடுகள் அமெரிக்க தொழில்நுட்ப நிறுவனங்களை குறிவைத்து டிஜிட்டல் சேவை வரியை அமுல்படுத்த தீவிரமாக ஆலோசித்து வருவதாக குற்றம்சாட்டியுள்ளார்.
மேலும் இதற்கு பதிலடியாக, அமெரிக்க நிறுவனங்கள் மீது டிஜிட்டல் வரிவிதிக்கும் எந்தவொரு நாட்டின் மீதும் அமெரிக்கா 100% இறக்குமதி வரி விதிக்கும் என்று எச்சரித்துள்ளார்.
இந்த புதிய ஒப்பந்தம் ஏற்கனவே உள்ள கையெழுத்திடப்பட்ட ஒப்பந்தங்களை விட மேலானதாக கருதப்படும் என்று டிரம்ப் தெரிவித்துள்ளார்.
மேலும் இந்த புதிய நடவடிக்கை ஏற்கனவே உள்ள ஒப்பந்தங்களை மீறுவதாக இருந்தாலும், இவை உடனடியாக செயல்பாட்டுக்கு வரும் என்றும் டிரம்ப் குறிப்பிட்டுள்ளார்.
டிரம்பின் இந்த சமீபத்திய அறிவிப்பு வாஷிங்டனுக்கும் பிரஸ்ஸல்ஸுக்கும் இடையில் மீண்டும் பதற்றமான சூழ்நிலையில் ஏற்படுத்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
