லங்காசிறி FM
இலங்கையில் முதலீடு செய்ய ஆர்வம் காட்டும் ஐக்கிய அரபு அமீரக முதலீட்டாளர்கள்.!
இலங்கையின் சுற்றுலா, துறைமுகங்கள் உள்ளிட்ட பல துறைகளில் முதலீடு செய்ய ஐக்கிய அரபு அமீரக முதலீட்டாளர்கள் ஆர்வம் காட்டுகின்றனர்.
ஐக்கிய அரபு அமீரகத்தை (UAE) தளமாகக் கொண்ட முதலீட்டாளர்கள் குழு புதுப்பிக்கத்தக்க எரிசக்தி, சுற்றுலா, துறைமுகங்கள் மற்றும் ரியல் எஸ்டேட் துறைகளில் தங்கள் ஆர்வத்தை வெளிப்படுத்தியுள்ளது என்று இலங்கை வெளியுறவு அமைச்சர் அலி சப்ரி கூறியுள்ளார்.
2023 ஐக்கிய நாடுகளின் காலநிலை மாற்ற மாநாட்டில் (UN's COP28 2023) பங்கேற்பதற்காக ஜனாதிபதி ரணில் விக்கிரமசிங்க தலைமையிலான இலங்கைக் குழு துபாய் சென்றுள்ளது.
பாரிய முதலீட்டாளர்கள் குழுவொன்று வெள்ளிக்கிழமை ஜனாதிபதியை சந்தித்து இலங்கையில் முதலீடு செய்வதற்கான சாத்தியமான வாய்ப்புகள் குறித்து கலந்துரையாடியதாக சப்ரி கூறினார்.
"நாங்கள் இங்கு பாரிய முதலீட்டாளர்களை குறிப்பாக புதுப்பிக்கத்தக்க எரிசக்தி, சுற்றுலா, துறைமுக மேம்பாடு மற்றும் உள்கட்டமைப்பு மேம்பாடு மற்றும் ரியல் எஸ்டேட் ஆகியவற்றில் சந்தித்தோம்...
இதுபோன்ற கிடைக்கக்கூடிய வாய்ப்புகளைப் பயன்படுத்திக்கொள்ள இத்தகைய முதலீட்டாளர்கள் இலங்கை வருவதற்கு உயர்மட்ட வர்த்தகக் குழுவை இலங்கை தூதரகம் ஏற்பாடு செய்யவுள்ளது" என்று அவர் கூறினார்.
மேலும், இதுபோன்ற பெரும் முதலீட்டாளர்களுக்கு இலங்கை மீது அதிக ஈர்ப்பும் ஆர்வமும் இருப்பதை காணமுடிந்ததாக அவர் கூறினார்.
கடந்த ஆண்டு ஏப்ரலில் அரசு திவாலானதாக அறிவிக்கப்பட்ட இலங்கையில் ஏற்பட்ட நெருக்கடியில் முதலீட்டாளர்களை ஈர்ப்பதற்காக இலங்கை தொடர்ந்து ஆராய்ந்து வருகிறது.
பெரும் பொருளாதார நெருக்கடிக்கு பிறகு, கடன்களை திருப்பி செலுத்த இயலாமை மற்றும் அத்தகைய முதலீடுகள் மீதான நிச்சயமற்ற தன்மை காரணமாக, பெரும்பாலான முதலீட்டாளர்கள் இலங்கையில் முதலீடு செய்வதிலிருந்து ஒரு படி பின்வாங்கினர்.
கடனைத் திருப்பிச் செலுத்துவதில் சில உறுதியான தன்மையைக் கண்ட பிறகு முதலீட்டாளர்கள் மிகவும் கவனமாக இலங்கைக்குள் டொலர்களை கொட்டத் தொடங்கலாம் என்று பல அரசாங்க அதிகாரிகள் தெரிவித்தனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
UAE investors interested in Sri Lanka, Sri Lanka energy, Sri Lanka tourism, Sri Lanka ports, Sri Lanka real estate, UN's COP28 Dubai, 2023 United Nations Climate Change Conference Dubai
கரவெட்டி, திருகோணமலை, கல்முனை, மட்டக்களப்பு, யாழ்ப்பாணம், கொழும்பு
15 May, 2024
மலேசியா, Malaysia, கோப்பாய் வடக்கு, கோண்டாவில் கிழக்கு, வெள்ளவத்தை, London, United Kingdom
11 Jun, 2022
மாவிட்டபுரம், மட்டுவில், கொழும்பு, Stouffville, Canada
17 Apr, 2024
Kuala Lipis, Malaysia, காரைநகர், பம்பலப்பிட்டி, Ilford, United Kingdom
11 May, 2024