இந்தியா, பாகிஸ்தான் மற்றும் பிற நாடுகளுக்கு விதிக்கப்பட்ட தடை நீக்கம்! பிரபல நாடு முக்கிய அறிவிப்பு

 இந்தியா, பாகிஸ்தான், நைஜீரியா மற்றும் பிற நாடுகளைச் சேர்ந்த பயணிகள் ஐக்கிய அரபு அமீரகம் வழியாக விமானப் போக்குவரத்து மேற்கொள்ள விதிக்கப்பட்ட தடை நீக்கப்படவுள்ளது.

ஆகஸ்ட் 5ம் முதல் இந்த தடை நீக்கப்படும் என தேசிய அவசர மற்றும் நெருக்கடி மேலாண்மை ஆணையம் (NCEMA) செவ்வாய்க்கிழமை தெரிவித்துள்ளது.

ஐக்கிய அரபு அமீரகம் சர்வதேச விமான போக்குவரத்திற்கான முக்கிய மையாக திகழ்கிறது. பெரும்பாலும் ஆசியாவிலிருந்து ஐரோப்பியா, அமெரிக்கா நாடுகளுக்கு செல்லும் பயணிகள், ஐக்கிய அரபு அமீரகம் வழியாகவே பயணிக்கின்றனர்.

அதாவது, அவர்கள் நாட்டிலிருந்து விமானம் மூலம் ஐக்கிய அமீரகம் வந்து, அங்கிருந்து மாற்று விமானத்தில் அவர்கள் செல்ல வேண்டிய நாடுகளுக்கு செல்லவார்கள்.

கொரோனா பரவல் காரணமாக பல மாதங்களாக பல தெற்காசிய மற்றும் ஆப்பிரிக்க நாடுகளில் இருந்து வரும் பயணிகளுக்கு ஐக்கிய அரபு அமீரகம் தடை விதித்துள்ளது.

இந்நிலையில், விமானச் சேவைகள் நிறுத்தப்பட்ட நாடுகளிலிருந்து பயணிக்கும் பயணிகள், புறப்படுவதற்கு 72 மணி நேரத்திற்கு முன்னர் எடுக்கப்பட்ட கொரோனா தொற்று பாதிப்பு இல்லை என்ற பிசிஆர் சோதனை முடிவுகளை காண்பித்து, வியாழக்கிழமை முதல் ஐக்கிய அரபு அமீரகம் விமான நிலையங்கள் வழியாக பயணிக்கலாம் என NCEMA தெரிவித்துள்ளது.

அதேசமயம், பயணிகள் செல்லவிருக்கும் நாட்டிடம் பெற்ற அனுமதியையும் சமர்ப்பிக்க வேண்டும் என NCEMA குறிப்பிட்டுள்ளது.

இதனிடையே, நேபாளம், இலங்கை மற்றும் உகாண்டா நாடுகளைச் சேர்ந்த பயணிகள் ஐக்கிய அரபு அமீரகத்திற்குள் நுழைவதற்கு விதிக்கப்பட்டுள்ள தடை தொடரும் என அறிவிக்கப்பட்டுள்ளது.

எனினும், இந்த தடை செய்யப்பட்ட நாடுகளில் இருந்து, சரியான குடியிருப்பு உரிமம் மற்றும் முழுமையாக இரண்டு டோஸ் தடுப்பூசி போடப்பட்டவர்கள் என எமிரேட்ஸ் அதிகாரிகளால் அங்கீகரிக்கப்பட்ட சான்றிதழுடன் வரும் பயணிகளுக்கு விலக்கு அளிக்கப்படும் என NCEMA தெரிவித்துள்ளது.

இருப்பினும், அவர்கள் பயணம் செய்வதற்கு முன் ஆன்லைனில் நுழைவு அனுமதிக்கு விண்ணப்பிக்க வேண்டும் மற்றும் புறப்படுவதற்கு 48 மணி நேரத்திற்கு முன்பு எடுக்கப்பட்ட கொரோனா தொற்று இல்லை என்ற பிசிஆர் சோதனை முடிவை சமர்ப்பிக்க வேண்டும் என அறிவிக்கப்பட்டுள்ளது.

Gulf Arab state-ல் மருத்துவம், கல்வி அல்லது அரசு துறைகளில் பணிபுரிபவர்கள் மற்றும் ஐக்கிய அரபு அமீரகத்தில் படிப்பவர்கள் அல்லது மருத்துவ சிகிச்கை மேற்கொள்பவர்களுக்கு தடுப்பூசி தேவையிலிருந்து விலக்கு அளிக்கப்படும் என NCEMA தெரிவித்துள்ளது.