45 யூரோவில் ஜேர்மனிக்கு விமான சேவை வழங்கும் UK விமான நிலையம்

United Kingdom Flight Germany

By Ragavan Nov 24, 2024 04:40 PM GMT

Ragavan

in ஐக்கிய இராச்சியம்

Report

பிரித்தானியர்களுக்காக மிகச்சிறிய விமான நிலையமொன்று ஜேர்மன் தலைநகருக்கு குறைந்த விலையில் புதிய விமான சேவையை அறிவித்துள்ளது.

பிரித்தானியாவில் உள்ள நியூகாஸ்டில் விமான நிலையம் (Newcastle Airport), பிரித்தானிய பயணிகளால் மிகவும் விரும்பப்படும் ஜேர்மனியின் தலைநகரமான பெர்லினுக்கு (Berlin), 2025 கேடையில் நேரடி விமான சேவையை அறிமுகம் செய்ய உள்ளது.

2025 மே 1 முதல், யூரோவிங்ஸ் (Eurowings) விமான நிறுவனத்தால், நியூகாஸ்டிலில் இருந்து பெர்லினுக்கு ஒவ்வொரு வியாழன் மற்றும் ஞாயிற்றுக்கிழமைகளில் நேரடி விமானங்கள் இயக்கப்படும்.

இந்த சேவையின் கட்டணம் மிகக்குறைவாக, வெறும் £44.99-ல் தொடங்க உள்ளது.

UK airport, summer 2025, Eurowings flights, Newcastle Airport to Berlin, Germany

நியூகாஸ்டில் விமான நிலையத்தின் விமானத் துறை வளர்ச்சித் தலைவர் லியான் மெக் குவாய்ட், “நாங்கள் பெர்லினுக்கு புதிய விமான சேவையை அறிமுகம் செய்வதில் மகிழ்ச்சி அடைகிறோம். பயணிகளிடமிருந்து பெர்லினுக்கு நேரடி சேவைக்கான கோரிக்கைகள் வந்தன. இது மிகவும் பிரபலமாக இருக்கும் என நம்புகிறோம்,” என்றார்.

பிரித்தானிய பயணிகளிடத்தில் பெர்லின் பெரும் வரவேற்பைப் பெற்றுள்ளது. பெர்லின் தனது பிராண்டன்பர்க் கேட், ரெய்ச்டாக் போன்ற வரலாற்று முக்கியத்துவம் கொண்ட இடங்களாலும், அதன் கலாச்சாரம் மற்றும் உணவுப் பாரம்பரியத்தாலும் பிரபலமாக உள்ளது.

UK airport, summer 2025, Eurowings flights, Newcastle Airport to Berlin, Germany

இந்த புதிய சேவையைத் தொடர்ந்து, யூரோவிங்ஸ் 2025 கேடையில் பெர்லினில் இருந்து 42 இடங்களுக்கு விமான சேவைகளை இயக்க உள்ளதுடன், Majorca உள்ளிட்ட சுற்றுலா தலங்கள் செல்வதற்கான சேவைகளையும் அதிகரிக்கவுள்ளது.