உக்ரைன் குழந்தைகளிடம் மன்னிப்பு கேட்டுள்ள பிரித்தானிய அரசு

Ukraine Education Russia

By Ragavan Nov 04, 2026 07:31 AM GMT

Ragavan

in ஐக்கிய இராச்சியம்

Report

UK Apologises to Ukrainian Refugees Over GCSE: பிரித்தானிய அரசு உக்ரைன் மாணவர்களிடம் மன்னிப்பு கேட்டுள்ளது.

மன்னிப்பு கேட்ட பிரித்தானிய அரசு

பிரித்தானியாவில் தஞ்சம் அடைந்த உக்ரைன் மாணவர்கள், தங்களது தாய்மொழியில் தேர்வு எழுதும் வாய்ப்பு இல்லாத காரணத்தால் ரஷ்ய மொழியைப் படிக்குமாறு பள்ளிகளில் வலியுறுத்தப்பட்டதாக எழுந்த குற்றச்சாட்டுக்கு பிரித்தானிய அரசு மன்னிப்பு கேட்டுள்ளது.

மேலும், இந்த பிரச்சினைக்கு தீர்வாக புதிய உக்ரைன் மொழி GCSE தேர்வை அறிமுகப்படுத்த அரசு நடவடிக்கை எடுத்துள்ளது.

UK-Apologises-to-Ukrainian-Refugees-Over-GCSE

ரஷ்ய மொழியை படிக்க கட்டாயம்

2022-ஆம் ஆண்டு ரஷ்யா உக்ரைன் மீது நடத்திய படையெடுப்புக்குப் பிறகு ஆயிரக்கணக்கான உக்ரைன் குடும்பங்கள் பிரித்தானியாவில் தஞ்சம் அடைந்தன. அவர்களுடன் வந்த பல குழந்தைகளுக்கு உக்ரைன் மொழியில் GCSE தேர்வு வசதி இல்லாததால், சில பள்ளிகள் ரஷ்ய மொழியை படிக்க பரிந்துரைத்ததாக கூறப்படுகிறது.

இது பல மாணவர்களுக்கு மனவேதனையையும் அவமதிப்பையும் ஏற்படுத்தியதாக தகவல்கள் தெரிவிக்கின்றன.

2028-ஆம் ஆண்டில் உக்ரைன் மொழியில் தேர்வு அறிமுகம்

இந்த நிலையில், பிரித்தானிய பள்ளிகள் துறை அமைச்சர் ஜார்ஜியா கோல்ட் புதிய உக்ரைன் GCSE தேர்வை அறிவித்து, "பல மாணவர்கள் ரஷ்ய மொழியைப் படிக்க வேண்டிய சூழ்நிலைக்குத் தள்ளப்பட்டனர். அதற்காக நான் உண்மையாகவே வருந்துகிறேன். இனி அவர்கள் தங்கள் தாய்மொழியில் தேர்வு எழுதும் வாய்ப்பைப் பெறுவார்கள்" என்று தெரிவித்தார்.

புதிய உக்ரைன் GCSE தேர்வு 2028-ஆம் ஆண்டில் பிரித்தானியாவில் அறிமுகமாகும் என தெரிவிக்கப்பட்டுள்ளது.

இந்தத் திட்டத்தை AQA தேர்வு வாரியம் உருவாக்கி வருகிறது. இதற்காக கல்வித் துறை 340,000 பவுண்டு நிதியுதவியை வழங்கியுள்ளது.

பிரித்தானியாவில் தற்போது 30,000-க்கும் மேற்பட்ட உக்ரைன் குழந்தைகள் வசித்து வருவதாக கூறப்படுகிறது. உக்ரைன் அரசு மற்றும் சமூக அமைப்புகள் பல ஆண்டுகளாக இந்தத் தேர்வை அறிமுகப்படுத்தக் கோரி முயற்சி செய்து வந்தன. 2024-ஆம் ஆண்டு உக்ரைன் கல்வி அமைச்சகம், உக்ரைன் மொழித் தேர்வு இல்லாததால் பல மாணவர்கள் ரஷ்ய மொழி தேர்வை எழுத அழுத்தம் கொடுக்கப்படுவதாக கவலை வெளியிட்டிருந்தது.

இந்த அறிவிப்பை உக்ரைன் சமூகங்கள் வரவேற்றுள்ளன. புதிய தேர்வு, அகதி மாணவர்கள் தங்கள் மொழி, கலாசாரம் மற்றும் அடையாளத்தை பாதுகாத்துக்கொள்ள உதவும் முக்கியமான முயற்சியாக பார்க்கப்படுகிறது. பிரித்தானியாவின் இந்த நடவடிக்கை, உக்ரைன் மக்களுடன் தாங்கள் தொடர்ந்து ஒற்றுமையுடன் இருப்பதை வெளிப்படுத்துவதாகவும் கருதப்படுகிறது.