ஈரான் மீது தாக்குதல் நடத்த பிரித்தானிய தளங்களை பயன்படுத்த அமெரிக்காவிற்கு அனுமதி மறுப்பு

ஈரான்-அமெரிக்கா இடையிலான பதற்றம் அதிகரித்துள்ள நிலையில், பிரித்தானிய அரசு தனது நிலைப்பாட்டை தெளிவுபடுத்தியுள்ளது.

பிரதமர் கெய்ர் ஸ்டார்மர் அலுவலகம், “ஈரான் பொதுமக்கள் உள்கட்டமைப்புகளை தாக்க அமெரிக்கா பிரித்தானிய தளங்களை பயன்படுத்த அனுமதி இல்லை” என்று அறிவித்துள்ளது.

இரண்டு வார போர் நிறுத்தத்தை அறிவித்த ட்ரம்ப்

அமெரிக்க ஜனாதிபதி டொனால்டு ட்ரம்ப், ஈரான் ஹார்முஸ் நீரிணையை திறக்காவிட்டால் பாலங்கள், மின்நிலையங்கள் உள்ளிட்ட உள்கட்டமைப்புகளை அழிப்பதாக எச்சரித்திருந்தார்.

இதற்கு பதிலளித்த பிரித்தானிய அரசு, “இது எங்கள் போர் அல்ல. நாங்கள் எங்கள் மக்கள், நலன் மற்றும் கூட்டாளிகளை பாதுகாக்க உறுதியாக உள்ளோம். ஆனால் சர்வதேச சட்டத்திற்குள் மட்டுமே செயல்படுவோம்” என்று தெரிவித்துள்ளது.

இத்தாலி அரசும் இதேபோல் அமெரிக்காவுக்கு தங்கள் தளங்களை பயன்படுத்த அனுமதி மறுத்துள்ளது.

இத்தாலிய பாதுகாப்புத்துறை அமைச்சர் குயிடோ க்ரோசெட்டோ, “நாங்கள் அமெரிக்காவின் கூட்டாளிகள் தான். ஆனால் எங்கள் சட்டங்களையும் உடன்படிக்கைகளையும் மதிக்கிறோம். ஈரானுடன் போரில் இல்லை” என்று கூறியுள்ளார்.

மின்நிலையங்கள், பாலங்களை காக்க மனித சங்கிலிகளாக உருவெடுத்த ஈரானியர்கள்

இதற்கிடையில், செவ்வாயன்று பிரித்தானியா 40-க்கும் மேற்பட்ட நாடுகளுடன் இணைந்து, ஹார்முஸ் நீரிணையை பாதுகாப்பாக மீண்டும் திறக்க திட்டமிடும் மாநாட்டை நடத்தியது. பிரான்ஸ், ஜேர்மனி, ஜப்பான், கனடா, அவுஸ்திரேலியா உள்ளிட்ட நாடுகள் இதில் பங்கேற்றன.

பிரித்தானிய அரசு, “பிராந்தியத்தில் அமைதியை பேணுவது தான் எங்கள் நோக்கம். பேச்சுவார்த்தை வழியே தீர்வு காண வேண்டும்” என்று வலியுறுத்தியுள்ளது.

#UK #IranConflict #Trump #HormuzStrait #MiddleEast #PeaceTalks #USUKRelations #BreakingNews