லங்காசிறி FM
பிரித்தானியாவில் அகதிகள் மீள்குடியேற்ற திட்டத்தை மீண்டும் தொடங்க லேபர் அரசு திட்டம்
UK Labour Revives Refugee Scheme: அகதிகள் மீள்குடியேற்ற திட்டத்தை மீண்டும் தொடங்க லேபர் கட்சி அரசு திட்டமிட்டுள்ளது.
மீண்டும் மீள்குடியேற்ற திட்டம்
பிரித்தானியாவின் லேபர் கட்சியின் அரசு, அகதிகள் பாதுகாப்பாக குடியேறுவதற்கான மீள்குடியேற்ற திட்டத்தை (refugee resettlement scheme) மீண்டும் தொடங்குவதாக உள்துறை அமைச்சர் ஷபானா மஹ்மூத் அறிவித்துள்ளார்.
இந்த திட்டம் உடனடியாக செயல்படுத்தப்பட உள்ளது. மேலும், முன்பு அறிவிக்கப்பட்ட மூன்று புதிய “சமூக ஆதரவு வழிகள்” இணைந்து, ஆரம்பத்தில் நூற்றுக்கணக்கான அகதிகளை வரவேற்கும் என உள்துறை அமைச்சகம் தெரிவித்துள்ளது.
இந்த திட்டம் ஐ.நா. அகதி முகமை (UNHCR) மற்றும் International Refugee Assistance Project (IRAP) உடன் இணைந்து செயல்படுத்தப்படும். கடந்த ஆண்டு நிறுத்தப்பட்ட ஆப்கான் அகதி திட்டத்திற்கு மாற்றாக இது அமைகிறது.
“உலகம் முழுவதிலிருந்தும் பாதிக்கப்பட்ட அகதிகளை பிரித்தானியாவிற்கு வரவேற்று, அவர்களுக்கு புதிய வாழ்க்கை வழங்குவோம்” என மஹ்மூத் தெரிவித்துள்ளார்.
இந்த திட்டத்தின் கீழ், ஆப்கான் பெண்கள் மற்றும் சிறுமிகள், பாலஸ்தீனர்கள் ஆகியோர் முக்கியமாக சேர்க்கப்படுவார்கள்.
சிலர், சட்டபூர்வ குடியேற்றத்திற்கான விதிகளை கடுமையாக்கும் திட்டங்கள் குறித்து எதிர்ப்பு தெரிவித்துள்ளனர். குறிப்பாக, சில சட்டபூர்வ குடியேற்றக்காரர்கள் நிரந்தர குடியுரிமைக்கு விண்ணப்பிக்க பல ஆண்டுகள் காத்திருக்க வேண்டிய நிலை ஏற்படும் என விமர்சிக்கப்பட்டுள்ளது.
இத்திட்டத்தின் மூலம், சட்டபூர்வ வழிகளில் வரும் புலம்பெயர்ந்தோரின் எண்ணிக்கை ஆயிரக்கணக்கில் அதிகரிக்கும் என்றும், அதேசமயம் சட்டவிரோத குடியேற்றம் குறையும் என்றும் அரசு தெரிவித்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
