கோபமும் அச்சமும் நிறைந்த நாடாக மாறி வரும் பிரித்தானியா... கொல்லப்பட்ட இளைஞரின் தந்தை

ஹென்றி நோவாக்கின் கொலையும், அதற்கு ஏற்பட்ட வன்முறை எதிர்வினையும், இந்த நாடு கோபம், சுயநலம் மற்றும் பயம் நிறைந்த நாடாக மாறிவிட்டதைக் காட்டுகிறது என்று, கொலை செய்யப்பட்ட மற்றொரு பதின்மவயது இளைஞரின் தந்தை கூறியுள்ளார்.

அமைதி காக்குமாறு

கடந்த 2008ல் படுகொலை செய்யப்பட்ட 16 வயது ஜிம்மி என்பவரின் தந்தையான பேரி மிசென், ஹென்றி கத்தியால் தாக்கிக் கொல்லப்பட்ட இடத்திற்கு அருகே போராட்டக்காரர்களுக்கும் காவல்துறையினருக்கும் இடையே ஏற்பட்ட மோதல்களைத் தொடர்ந்து, அமைதி காக்குமாறு வேண்டுகோள் விடுத்துள்ளார்.

தனது மனைவி மார்கரெட்டுடன் இணைந்து 'மிசென் அறக்கட்டளை'யை நிறுவிய 74 வயதான மிசென் தெரிவிக்கையில், கலவரம் ஒரு சூழ்நிலையை மேம்படுத்தாது, அது நிலைப்பாடுகளை மேலும் வலுப்படுத்தவே வழிவகுக்கும். இருப்பினும், அது நடந்துகொண்டுதான் இருக்கிறது,

மேலும் நிலைமையை அமைதிப்படுத்த பகுத்தறிவுள்ள குரல்களும், வலுவான, நியாயமான தலைமையும் இருக்கும் என்று நாம் நம்புவதைத் தவிர வேறு வழியில்லை என்றார்.

மேலும், நாம் எதிர்கொள்ள வேண்டிய மிகப்பரிய சிக்கல்கள் பல உள்ளன; மார்ட்டின் லூதர் கிங் கூறியது போல, 'கவனிக்கப்படாதவர்களின் மொழியே கலவரம் ஆகும்'. கலவரத்திற்கு இட்டுச் சென்ற சூழல்களைக் கண்டிக்காமல், அந்தக் கலவரத்தை மட்டும் கண்டிப்பதில் எவ்விதப் பயனும் இல்லை.

இது வரையில் காப்பாற்றினேன்... உலகம் உன்னை வெறுக்கிறது: நெதன்யாகுவை சபித்த ட்ரம்ப்

ஒரு நியாயமான சமூகத்தை உருவாக்க நாம் மேற்கொண்ட பாராட்டத்தக்க முயற்சிகளின் விளைவாகவே, நடைமுறையில் அச்சமூகத்தை நாம் இன்னும் குறைவான நியாயம் கொண்டதாக மாற்றிவிட்டோம்.

என் மகனைக் கொன்ற குற்றவாளிக்குத் தண்டனை வழங்கப்பட்டதைத் தொடர்ந்து, 'ஓல்ட் பெய்லி' (Old Bailey) நீதிமன்றத்தின் படிக்கட்டுகளில் நின்று நான் இவ்வாறு கூறினேன்: நாம் நாகரிகம், நியாயம் மற்றும் பாதுகாப்பு ஆகியவற்றிற்குப் பெயர் பெற்ற ஒரு நாடாகத் திகழ்ந்து வந்தோம்; ஆனால், அந்தப் பெருமையை நாம் மிக வேகமாக இழந்து வருகிறோம்.

கோபம், சுயநலம் மற்றும் அச்சம் ஆகியவை நிறைந்த ஒரு நாடாக மாறிவிடும் ஆபத்தில் நாம் இருக்கிறோம். நாம் அந்த நிலையை அடைந்துவிட்டோம் என்று நான் தற்போது நினைக்கிறேன் என்றார்.

அவமானகரமானவை

18 வயதான ஹென்றி, கத்தியால் குத்தப்பட்டதாக அதிகாரிகளிடம் கூறிக்கொண்டே சாகும் தருவாயில் தரையில் கிடந்தபோது, ​​அவர்கள் அவருக்கு விலங்கிட்டதைக் காட்டும் திகிலூட்டும் காட்சிகள் வெளியானதைத் தொடர்ந்து மிசென் தனது ந்கருத்தைப் பதிவு செய்துள்ளார்.

கடந்த டிசம்பர் மாதம் சவுத்தாம்ப்டன் தெரு ஒன்றில், 23 வயதான விக்ரம் திக்வா என்பவரால் தாக்கப்பட்ட நிதித்துறை மாணவர் தவறான தகவலால் கைது செய்யப்பட்டார்.

ஹென்றி தன்னை இனரீதியாகத் திட்டியதாகக் கூறி காவல்துறையிடம் திக்வா பொய் சொன்னதாலையே கைது நடவடிக்கை முன்னெடுக்கப்பட்டது. ஆனால் தற்போது வெளியாகியுள்ள காணொளிகள், பொது மக்களிடையே பெரும் கலவரத்தைத் தூண்டியுள்ளது.

செவ்வாய்க்கிழமை மாலை சவுத்தாம்ப்டனில் ஏற்பட்ட வன்முறையின்போது, ​​இருவர் கைது செய்யப்பட்டனர்; மேலும் 11 அதிகாரிகள் மற்றும் ஒரு பொலிஸ் நாய் காயமடைந்தன.

பிரதமர் சர் கெய்ர் ஸ்டார்மர், அந்தக் காட்சிகளை அவமானகரமானவை மற்றும் முற்றிலும் ஏற்றுக்கொள்ள முடியாதவை என்று குறிப்பிட்டிருந்தார்.

திங்கட்கிழமையன்று, இந்திய வம்சாவளி சீக்கியரான திக்வாவுக்குக் குறைந்தபட்சம் 21 ஆண்டுகள் சிறையில் இருக்க வேண்டும் என்ற நிபந்தனையுடன் கூடிய ஆயுள் தண்டனை விதிக்கப்பட்டது.