ரயில் வேலை நிறுத்தம்: அப்பாவி பிரித்தானியா மக்கள் தண்டிக்கப்படுவார்கள்: அரசு எச்சரிக்கை!

பிரித்தானியாவில் நடைபெறவிருக்கும் ரயில் வேலை நிறுத்தங்கள் மில்லியன் கணக்கான அப்பாவி மக்களை தண்டிக்கும் என அரசு எச்சரித்துள்ளது.

பிரித்தானியாவின் பொது போக்குவரத்தில் மிக முக்கியமாக ரயில் போக்குவரத்து இடம்பெற்றுள்ளது, மாணவர்கள், வேலைக்கு செல்பவர்கள் என மில்லியன் கணக்கான மக்கள், பிரித்தானியாவின் ரயில் போக்குவரத்து சேவை நம்பியுள்ளன.

இந்தநிலையில், அடுத்த வாரம் ரயில் வேலை நிறுத்தங்கள் மேற்கொள்ளும் RMT இன் முடிவு மில்லியன் கணக்கான பொதுமக்களை தண்டிக்கும் என்று பிரித்தானிய போக்குவரத்து செயலாளர் தெரிவித்துள்ளார்.

image: EPA

இது குறித்து கிராண்ட் ஷாப்ஸ் தெரிவித்துள்ள கருத்தில், பிரித்தானிய தற்போது நெருக்கடிகளின் உச்சநிலையில் உள்ளது, இது நாடு முழுவதும் மக்களின் துன்பங்களை அதிகரிக்கும் எனத் தெரிவித்தார்.

அத்துடன் தொழிற்சங்கமானது, சேதமடைந்த தொழில்துறை நடவடிக்கையை தொடர வேண்டாம் என்று பலமுறை வலியுறுத்தபட்டதாகவும், அதற்கு பதிலாக பேச்சுவார்த்தைகளில் கவனம் செலுத்துங்கள் எனவும் தெரிவித்தார்.

இதனால் தேர்வுக்கு தயாராகும் மாணவர்கள் தங்களது பயணத் திட்டங்களை ஏற்பட்டுள்ள மாறுதல்களால் கூடுதல் மன அழுத்ததை எதிர்கொள்வதாகவும், நோயாளிகள் தங்களது மருத்துவர்களின் சந்திப்புகளை ரத்து செய்ய வேண்டிய கட்டாயத்திற்கு சென்று இருப்பதாகவும் ஷாப்ஸ் தெரிவித்தார்.

Image: DAILY RECORD

ஆனால் சம்பளம், வேலைகள் மற்றும் நிபந்தனைகள் தொடர்பான கோரிக்கைகளை தீர்க்கும் பேச்சுவார்த்தைகள் தோல்வியில் முடிவடைந்துள்ளதால், அடுத்த வாரம் செவ்வாய், வியாழன் மற்றும் சனிக்கிழமைகளில் பிரிட்டன் முழுவதும் கிட்டத்தட்ட அனைத்து முக்கிய பாதைகளிலும் மேற்கொள்ளபட விருக்கும் ரயில் வேலை நிறுத்தங்கள் பல தசாப்தங்களில் பெரிதாக இருக்கும் என தெரியவந்துள்ளது.

மேலும் இந்த ரயில் வேலை நிறுத்தங்கள் செய்வாய் கிழமையன்று லண்டன் அண்டர்கிரவுண்டிலும் மேற்கொள்ளப்படும் என தெரிவிக்கப்பட்டுள்ளது.

இதுத் தொடர்பாக ஷாப்ஸ் தெரிவித்த கருத்தில், இரயில் வேலை நிறுத்தங்களால் ஆயிரக்கணக்கான வேலைகள் வெட்டப்படுகின்றன, மேலும் தொழிலாளர்கள் பணவீக்கத்திற்கு கீழே ஊதிய உயர்வை எதிர்கொள்கின்றனர் எனத் தெரிவித்தார்.

பிரித்தானிய நாடாளுமன்றத்தில் தொழிலாளர் கட்சியின் தலைவர் சர் கெய்ர் ஸ்டார்மர், ரயில் வேலை நிறுத்தம் தொடர்பாக சர்ச்சைகளை அரசாங்கம் கையாளுவதை விமர்சித்தார், பழமைவாதி கட்சி இந்த விஷயத்தில் நெருப்பில் எண்ணெய் ஊற்றுகிறது எனத் தெரிவித்தார்.

Image: PA

கூடுதல் செய்திகளுக்கு: உக்ரைனுக்கு வழங்க திட்டமிட்ட... சாம்பல் கழுகு ட்ரோன்கள்: முடிவை மாற்றிக் கொண்ட அமெரிக்கா

மேலும் ஞாயிற்றுக்கிழமை வார்க்கில் பேசிய போது, போரிஸ் ஜான்சன் மற்றும் ஷாப்ஸ் ஆகியோர் உண்மையில் வேலைநிறுத்தங்களை தொடரவே விரும்புகின்றனர் என குற்றம் சாட்டினார்.