லங்காசிறி FM
இங்கிலாந்தில் மாணவிகளுக்கு புகலிடக்கோரிக்கையாளர்கள் தொடர்பில் பள்ளிகள் கொடுத்துள்ள எச்சரிக்கை
Balamanuvelan
in ஐக்கிய இராச்சியம்
இங்கிலாந்திலுள்ள நகரமொன்றில், புகலிடக்கோரிக்கையாளர்கள் தொடர்பில் பள்ளிகள் மாணவிகளுக்கு எச்சரிக்கை ஒன்றைக் கொடுத்துள்ளதாக அமைச்சர் ஒருவர் தெரிவித்துள்ளார்.
மாணவிகளுக்கு எச்சரிக்கை
இங்கிலாந்தின் எசெக்ஸிலுள்ள Eppingஇல் அமைந்திருக்கும் பள்ளிகள்தான், தங்கள் மாணவிகளுக்கு புகலிடக்கோரிக்கையாளர்கள் தொடர்பில் எச்சரிக்கை கொடுத்துள்ளதாக நிழல் நீதித்துறைச் செயலரான ராபர்ட் ஜென்ரிக் (Robert Jenrick) தெரிவித்துள்ளார்.
அதாவது, பிள்ளைகள் பள்ளிக்குச் செல்லும்போதும், பள்ளியிலிருந்து திரும்பும்போதும், புகலிடக்கோரிக்கையாளர்கள் தங்கியிருக்கும் இடங்களை தவிர்க்குமாறு எச்சரிக்கப்பட்டுள்ளார்கள்.
மாணவி ஒருத்தி, தான் பள்ளிக்குச் செல்லும் வழியில் புகலிடக்கோரிக்கையாளர்கள் தங்கவைக்கப்பட்டுள்ள ஹொட்டல்கள் முன் கூட்டமாக நிற்கும் புகலிடக்கோரிக்கையாளர்கள் தங்களையே பார்த்துக்கொண்டு நிற்பதாகவும், தான் பாதுகாப்பின்றி உணர்வதாகவும் தெரிவித்துள்ளாள்.
ஆக, பெற்றோர் புகலிடக்கோரிக்கையாளர்களுக்கு எதிராக ஆர்ப்பாட்டங்கள் நடத்துவதும் நடக்கிறது.
இவற்றிற்கெல்லாம் காரணம் என்னவென்றால், பிரித்தானியாவுக்கு புலம்பெயர்ந்த புகலிடக்கோரிக்கையாளர் ஒருவர், இங்கிலாந்துக்கு வந்து நான்கு நாட்களே ஆன நிலையில், Eppingஇலுள்ள பள்ளி மாணவி ஒருத்தியிடம் அத்துமீறியுள்ளார்.
அதைத் தொடர்ந்து அங்கு ஆர்ப்பாட்டங்கள் வெடித்தன. இந்நிலையில்தான், மாணவியர் பள்ளிக்குச் செல்லும்போதும், பள்ளியிலிருந்து திரும்பும்போதும், புகலிடக்கோரிக்கையாளர்கள் தங்கியிருக்கும் இடங்களை தவிர்க்குமாறு பள்ளிகள் அவர்களை எச்சரித்துள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வட்டுக்கோட்டை, அராலி வடக்கு, யாழ்ப்பாணம், helsinki, Finland
20 Jul, 2025
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
அச்சுவேலி, Neuilly-sur-Marne, France, Brou-sur-Chantereine, France
12 Aug, 2025
யாழ்ப்பாணம், பொல்காவலை, வாழைச்சேனை, புன்னாலைக்கட்டுவன், Edmonton, United Kingdom
09 Aug, 2025
யாழ் மண்கும்பான் கிழக்கு, Jaffna, Ivry-sur-Seine, France, புங்குடுதீவு 1ம் வட்டாரம்
12 Aug, 2025
