லங்காசிறி FM
அமைச்சரவையை அமைத்த கெய்ர் ஸ்டார்மர்., முதல் பெண் நிதியமைச்சர் நியமனம்!
ஜூலை 5, வெள்ளிக்கிழமை பிரித்தானியாவில் அதிகார மாற்றம் ஏற்பட்டது.
ஆளும் கன்சர்வேடிவ் கட்சி 14 ஆண்டுகளுக்குப் பிறகு தொழிலாளர் கட்சியிடம் தேர்தலில் தோல்வியடைந்தது.
சில மணி நேரம் கழித்து, இந்திய வம்சாவளியைச் சேர்ந்த ரிஷி சுனக் பிரதமர் பதவியை ராஜினாமா செய்தார்.
தொழிலாளர் கட்சியின் 61 வயதான கெய்ர் ஸ்டார்மர் நாட்டின் 58வது பிரதமராக பதவியேற்றுள்ளார்.
இதனிடையே, தோல்வியை ஏற்று கட்சியிடம் மன்னிப்பு கேட்டுள்ளார் சுனக். மேலும் ஸ்டார்மரை அழைத்து வெற்றிக்கு வாழ்த்து தெரிவித்தார்.
பொதுத் தேர்தலில் தொழிலாளர் கட்சி அமோக வெற்றி பெற்றுள்ளது. மொத்தமுள்ள 650 இடங்களில் அக்கட்சி 412 இடங்களில் வெற்றி பெற்றுள்ளது. 2 இடங்களின் முடிவுகள் சனிக்கிழமை வெளியாகும்.
ஆட்சி அமைக்க 326 இடங்கள் தேவை. கன்சர்வேட்டிவ் கட்சிகள் 120 இடங்களை மட்டுமே வென்றன. கடந்த 200 ஆண்டுகளில் கன்சர்வேட்டிவ் கட்சியின் மிகப்பாரிய தோல்வி இதுவாகும்.
கெய்ர் ஸ்டோர்மர் அமைச்சரவை
கெய்ர் ஸ்டோர்மர் தனது அமைச்சரவையை அமைத்துள்ளார்.
அவர், வரலாற்று சிறப்புமிக்க நடவடிக்கை எடுத்து, ரேச்சல் ரீவ்ஸை () நிதி அமைச்சராக்கியுள்ளார். இந்தப் பதவியை எட்டிய முதல் பெண் இவர்தான்.
ரீவ்ஸுக்கு 45 வயது. வங்கித் துறையில் இருந்து தனது வாழ்க்கையைத் தொடங்கினார்.
இது தவிர துணைப் பிரதமர் பதவி ஏஞ்சலா ரெய்னருக்கு கிடைத்துள்ளது. ரெய்னருக்கு சமத்துவம், வீட்டுவசதி மற்றும் சமூகங்களுக்கான அமைச்சராகவும் பொறுப்பு வழங்கப்பட்டுள்ளது.
பிரதமர் ஸ்டார்மர் அமைச்சரவையில் முக்கியமான பொறுப்புகள்
துணைப் பிரதமர் - ஏஞ்சலா ரெய்னர்
நிதி அமைச்சர் - ரேச்சல் ரீவ்ஸ்
வெளியுறவு அமைச்சர் - டேவிட் லாம்மி
உள்துறை அமைச்சர் - யவெட் கூப்பர்
பாதுகாப்பு அமைச்சர் - ஜான் ஹேலி
கல்வி அமைச்சர் - பிரிட்ஜெட் பிலிப்சன்
எரிசக்தி அமைச்சர் - எட் மிலிபாண்ட்
வர்த்தக அமைச்சர் - ஜொனாதன் ரெனால்ட்ஸ்
போக்குவரத்து அமைச்சர் - லூயிஸ் ஹை
நீதி அமைச்சர் - ஷபானா மஹ்மூத்
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
UK Prime Minister Keir Starmer, Rachel Reeves as Britain's first female finance minister, Angela Rayner UK deputy Prime Minister
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
