லங்காசிறி FM
2027-க்குள் Prototype உருவாக்க வேண்டும்., ஐரோப்பிய ஒன்றியத்திடம் உக்ரைன் கோரிக்கை
உக்ரைன், 2027 நடுப்பகுதிக்குள் ஐரோப்பிய ஏவுகணை பாதுகாப்பு அமைப்பின் (European Missile Defence System) முதல் மாதிரியை உருவாக்க வேண்டும் என கோரியுள்ளது.
உக்ரைன் பாதுகாப்பு அதிகாரி ஒருவர், “ஐரோப்பிய நாடுகள் இணைந்து ஒரு ஒருங்கிணைந்த பாதுகாப்பு வலையமைப்பை உருவாக்குவது அவசியம்” என தெரிவித்துள்ளார்.
இந்த திட்டம், ஜேர்மனி, பிரான்ஸ், இத்தாலி மற்றும் போலந்து போன்ற நாடுகளின் தொழில்நுட்ப ஒத்துழைப்புடன் முன்னெடுக்கப்படும் என எதிர்பார்க்கப்படுகிறது.
உக்ரைன், ரஷ்யாவின் தொடர்ச்சியான ஏவுகணை தாக்குதல்களை எதிர்கொள்ள, தன்னுடைய வான்வழி பாதுகாப்பை வலுப்படுத்த முயற்சிக்கிறது.
“நாங்கள் 2027க்குள் ஒரு செயல்பாட்டு மாதிரியை உருவாக்க விரும்புகிறோம். இது ஐரோப்பிய பாதுகாப்பு கூட்டணியின் அடித்தளமாக இருக்கும்” என அந்த அதிகாரி கூறியுள்ளனர்.
இந்த அமைப்பு, பல்வேறு நாடுகளின் ரேடார், ஏவுகணை தடுப்பு தொழில்நுட்பங்கள் மற்றும் செயற்கைக்கோள் கண்காணிப்பு திறன்களை ஒருங்கிணைக்கும். இதன் மூலம், ரஷ்யாவின் நீண்ட தூர ஏவுகணை தாக்குதல்களை முன்கூட்டியே கண்டறிந்து தடுக்கும் திறன் பெறப்படும்.
ஐரோப்பிய ஒன்றியத்தின் பாதுகாப்பு நிதியிலிருந்து இதற்கான ஆரம்ப நிதி ஒதுக்கீடு செய்யப்படும் எனவும், உக்ரைன் இதனை “ஐரோப்பாவின் பாதுகாப்பு சுவராக” உருவாக்க விரும்புகிறது எனவும் தகவல்கள் தெரிவிக்கின்றன.
இந்த முயற்சி, நாட்டின் பாதுகாப்பை மட்டுமல்லாது, ஐரோப்பிய நாடுகளின் தொழில்நுட்ப ஒத்துழைப்பையும் வலுப்படுத்தும் என நிபுணர்கள் கூறுகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
