லங்காசிறி FM
ஒருவரை ஒருவர் கொலை செய்து கொண்ட கணவன்-மனைவி! 11 வயது மகனுக்கு காத்திருந்த அதிர்ச்சி
அமெரிக்காவில் நடந்த குடும்ப சண்டை ஒன்றில் தாய் மற்றும் தந்தை உயிரிழந்து கிடப்பதை கண்டு அவர்களது இளம் வயது மகன் அதிர்ச்சியில் அடைந்த சம்பவம் அரங்கேறியுள்ளது.
விபரீதமான குடும்ப சண்டை
அமெரிக்காவின் வாஷிங்டன் மாகாணத்தில் உள்ள Longview பகுதியில் உள்ள வீடு ஒன்றில் நடந்த குடும்ப சண்டையில் ஒருவரை ஒருவர் தாக்கி கொண்ட கணவன் மற்றும் மனைவி இருவரும் பரிதாபமாக உயிரிழந்துள்ளனர்.
அதிகாரிகளின் தகவல்படி, 38 வயதான ஜுவான் அன்டோனியோ அல்வாரடோ சான்ஸ்(Juan Antonio Alvarado Saenz) மற்றும் 39 வயதான சிசிலியா ரோபிள்ஸ் ஓச்சோவா(Cecilia Robles Ochoa) ஆகியோர் வன்முறையில் ஈடுபட்டதில், இருவரும் பரிதாபமாக உயிரிழந்து இருப்பதாக தெரிவித்துள்ளனர்.
இந்த வன்முறை சம்பவத்திற்கான சரியான காரணம் குறித்து அதிகாரிகள் இன்னும் விசாரணை நடத்தி வருகின்றனர்.
உயிரிழந்த இருவரும் பல கத்தி குத்து காயங்கள், துப்பாக்கிச் சூடு காயங்கள் ஆகியவற்றுடன் கண்டெடுக்கப்பட்டு இருப்பதாக தெரிவிக்கப்பட்டுள்ளது.
அதிர்ச்சியடைந்த மகன்
பெற்றோர்கள் இடையே அதிகரித்த மோதல் குறித்து அறியாத அவர்களது 11 வயது மகன் மற்றொரு அறையில் வீடியோ கேம் விளையாடிக் கொண்டு இருந்துள்ளார்.
பிறகு சமையலறைக்கு வந்து பெற்றோர்கள் விழுந்து கிடப்பதை பார்த்து அதிர்ச்சியடைந்த சிறுவன் உடனடியாக 911 என்ற எண்ணிற்கு அழைத்து தகவல் வழங்கியுள்ளார்.
உயிரிழந்த தம்பதியின் மோசமடைந்த உறவு, அவர்களுக்கு இடையே தொடர்ந்து பதற்றத்தை ஏற்படுத்தி வந்துள்ளது, இதனால் அவர்கள் பிரிவதற்கு திட்டமிட்டிருந்ததாக தெரிவிக்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 1ம் வட்டாரம், புங்குடுதீவு 2ம் வட்டாரம், கொக்குவில் கிழக்கு
17 Oct, 2024
நெடுந்தீவு, நல்லூர், திருநெல்வேலி, சண்டிலிப்பாய், Scarborough, Canada
25 Oct, 2023
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021
