ஈராக்கை விட்டு வெளியேறியது அமெரிக்கா - ஈரானுக்கு புதிய வாய்ப்பு

US exit from Iraq opens door for Iran influence: இரண்டு சதாப்தங்களுக்குப் பிறகு ஈராக்கை விட்டு அமெரிக்கா வெளியேறியது.

ஈராக்கை விட்டு வெளியேறியது அமெரிக்கா

ஈராக் நாட்டில் கடந்த இருபது ஆண்டுகளாக இருந்த அமெரிக்க படைகள், இன்று (2026 செப்டம்பர் 30) அதிகாரப்பூர்வமாக வெளியேறின.

2003-ஆம் ஆண்டு சதாம் ஹுசைனை பதவி நீக்க அமெரிக்கா ஈராக் மீது படையெடுத்தது. அதன்பின், பல ஆண்டுகள் ஈராக் அரசாங்கத்திற்கு ஆதரவாகவும், தீவிரவாதக் குழுக்களை எதிர்த்து போராடவும் அமெரிக்க படைகள் அங்கு தங்கியிருந்தன.

இந்த நீண்ட காலப் போரில் 4,500-க்கும் மேற்பட்ட அமெரிக்க வீரர்கள் உயிரிழந்தனர். 2011-இல் அமெரிக்கா வெளியேறியபோதும், 2014-இல் ISIS மீண்டும் எழுந்ததால், அமெரிக்க படைகள் மீண்டும் திரும்பி வந்தன. 2017-இல் ISIS பெரும்பாலும் தோற்கடிக்கப்பட்டது.

1,700 டன் தங்கம் இறக்குமதி செய்யும் பாதையில் சீனா

இப்போது, அமெரிக்க படைகள் முழுமையாக வெளியேறியதால், ஈரான் ஆதரவு பெறும் ஆயுதக் குழுக்கள் ஈராக் அரசியலில் அதிக செல்வாக்கு பெறும் அபாயம் உள்ளது. ஈரான் இதை “வரலாற்று வெற்றி” எனக் கொண்டாடுகிறது.

ஈரான் நாடாளுமன்றத்தின் தேசிய பாதுகாப்புக் குழுவின் துணைத் தலைவர், “அமெரிக்கா வெளியேறியதால், ஈரானின் எதிர்ப்பு அச்சு (Axis of Resistance) வலுவடையும்” என தெரிவித்துள்ளார்.

லொட்டரியில் விழுந்த ரூ.8,700 கோடி ஜாக்பாட் - ஒரு மாதம் கழித்து பரிசை வாங்கிய வெற்றியாளர்

தயாராக இல்லை

ஆனால், சில ஈராக் பாதுகாப்பு நிபுணர்கள், ஈராக் இன்னும் முழுமையாக பாதுகாப்பை கையாளத் தயாராக இல்லை என எச்சரிக்கின்றனர். ISIS மீண்டும் உயிர்பெறும் அபாயம் இருப்பதாகவும், சமீபத்தில் சில ‘ஸ்லீப்பர் செல்கள்’ (Sleeper Cells) செயல்படத் தொடங்கியுள்ளதாகவும் கூறப்படுகிறது.

சுன்னி பழங்குடியினர் தலைவர்கள், “அமெரிக்கா வெளியேறியதால் உருவாகும் வெற்றிடம், நாட்டின் பாதுகாப்பிற்கு ஆபத்தாகும்” எனக் கவலை தெரிவித்துள்ளனர்.

அமெரிக்கா வெளியேறியது ஈராக் மக்களுக்கு சுயாட்சி உணர்வைத் தரும் நிலையில், ஈரான் ஆதரவு குழுக்கள் மற்றும் ISIS மீண்டும் எழும் அபாயம், நாட்டின் எதிர்காலத்தை சிக்கலாக்கும் என நிபுணர்கள் எச்சரிக்கின்றனர்.

கேரளா ஓணம் பம்பர் 2026 - ரூ.30 கோடி ஜாக்பாட்டை வென்ற TL 360615 டிக்கெட்