லங்காசிறி FM
பணயக்கைதிகளைத் தேடி காசா மீது பறக்கும் அமெரிக்க கண்காணிப்பு ட்ரோன்கள்
அமெரிக்க கண்காணிப்பு ஆளில்லா விமானங்கள் காசா நகரில் பறந்து பணயக்கைதிகளை கண்டுபிடிக்க முயற்சித்து வருகின்றன.
ஹமாஸ் 10 அமெரிக்கர்கள் உட்பட 200 பணயக்கைதிகளை பிடித்துள்ளதாக அமெரிக்க அதிகாரிகள் தெரிவித்துள்ளனர். அமெரிக்க கண்காணிப்பு ஆளில்லா விமானங்கள் அமெரிக்க பணயக்கைதிகளை விடுவிக்க காசா மீது பறந்து வருவதாக அதிகாரி ஒருவர் தெரிவித்தார்.
ஹமாஸ் சுரங்கப்பாதைகளில் பதுங்கியிருப்பதாக சந்தேகிக்கப்படும் பணயக்கைதிகளை அமெரிக்க ஆளில்லா விமானங்கள் தேடி வருகின்றன.
Representative Image
இஸ்ரேலியப் படைகள் காசா நகரைச் சுற்றி வளைத்தன. காசாவில் உள்ள நிலத்தடி சுரங்கப் பாதைகளில் இஸ்ரேல் பாதுகாப்புப் படைகள் சோதனை நடத்தி வருகின்றன.
காசாவின் வடக்குப் பகுதிகளை இஸ்ரேல் தாக்கி வருகிறது. தெற்கு காசாவிற்கு தப்பிச் செல்லுமாறு பொதுமக்களை இஸ்ரேல் அறிவுறுத்தியது.
ஹமாஸ் போராளிகள் அக்டோபர் 7 அன்று இஸ்ரேல் மீது திடீர் தாக்குதல் நடத்தினர். இஸ்ரேல் நாட்டில் நடந்த இந்த தாக்குதலில் 1400 பேர் பலியாகினர். பாலஸ்தீனப் பகுதியில் இஸ்ரேல் நடத்திய பதிலடித் தாக்குதலில் 9,061 பேர் கொல்லப்பட்டனர்.
இஸ்ரேலுக்கும் ஹமாஸுக்கும் இடையே போர் தொடங்கி 28 நாட்கள் கடந்துவிட்டன. ஹமாஸுக்கு எதிரான இஸ்ரேலிய இராணுவத்தின் தாக்குதல் முடிவுக்கு வரவில்லை. இதேவேளை, ஹமாஸ் மற்றும் ஹிஸ்புல்லாவும் நேற்று இரவு மத்திய இஸ்ரேலுக்கு எதிராக பாரிய தாக்குதலை ஆரம்பித்துள்ளன. இத்தாக்குதலில் பல வீடுகள் ஒருபுறம் எரிந்து நாசமானது. மறுபுறம், ஏராளமான வாகனங்கள் எரிக்கப்பட்டன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
United States flying surveillance drones over Gaza, Israel Hamas war, Gaza
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
