லங்காசிறி FM
ஹார்முஸ் சுங்கக் கட்டணம்... வளைகுடா நாடொன்றிற்கு மீண்டும் மிரட்டல் விடுத்த அமெரிக்கா
ஹார்முஸ் நீரிணையில் சுங்கக் கட்டண முறையை அமுல்படுத்த ஓமன் உதவினால், நட்பு நாடென்பதைப் பொருட்படுத்தாமல் ஓமனைத் தாக்குவதைத் தவிர வேறு வழியில்லை என அமெரிக்க கருவூலச் செயலாளர் ஸ்காட் பெசென்ட் மிரட்டல் விடுத்துள்ளார்.
கடுமையாகக் குறிவைக்கும்
ஹார்முஸ் சுங்கக் கட்டணங்கள் தொடர்பில் ஈடுபட்டுள்ள அனைத்துத் தரப்பினருக்கும் எதிரான தடைகள் குறித்தும் அவர் எச்சரிக்கை செய்துள்ளார்.
தமது சமூக ஊடகத்தில் பதிவிட்டுள்ள பெசென்ட், குறிப்பாக ஓமான் தெரிந்துகொள்ள வேண்டியது என்னவென்றால், நீரிணைக்கான சுங்கக் கட்டணங்களை விதிப்பதில் நேரடியாகவோ அல்லது மறைமுகமாகவோ ஈடுபடும் எந்தவொரு நாட்டையும் அமெரிக்க கருவூலம் கடுமையாகக் குறிவைக்கும், மேலும் இதற்கு ஆதரவளிக்கும் நாடுகள் யாரேனும் இருந்தால் அவர்களும் தண்டிக்கப்படுவார்கள் என குறிப்பிட்டுள்ளார்.
அமெரிக்கா உடனான சாத்தியமான ஓர் ஒப்பந்தத்தின் ஒரு பகுதியாக, ஹார்முஸ் நீரிணையில் சுங்கக் கட்டண முறையை அமுல்படுத்துவது குறித்த ஈரானின் திட்டங்களைக் குறிப்பிட்டு, அத்தகைய முயற்சியை அமெரிக்கா ஒருபோதும் சகித்துக்கொள்ளாது என்றும் அவர் கூறியுள்ளார்.
இதனிடையே, வியாழக்கிழமை ஓமன் தூதருடன் பேசியதாகவும், ஹார்முஸ் நீர்வழியில் சுங்கக் கட்டணம் வசூலிக்கும் திட்டங்கள் எதுவும் இல்லை என்ற உறுதிமொழிகளைப் பெற்றதாகவும் பெசென்ட் பின்னர் வெள்ளை மாளிகை செய்தியாளர் சந்திப்பில் தெரிவித்தார்.
வழக்கமாக உலகின் எரிசக்தி விநியோகத்தில் சுமார் ஐந்தில் ஒரு பங்கு கடந்துசெல்லும் இந்த நீரிணை, கடந்த பிப்ரவரி மாத இறுதியில் அமெரிக்காவும் இஸ்ரேலும் ஈரான் மீது போரைத் தொடங்கியதிலிருந்து ஒரு பதற்றமான பகுதியாக இருந்து வருகிறது.
குறுகிய கால ஏற்பாடு
ஈரானின் பதிலடி நடவடிக்கைகள் இப்பிராந்தியத்தை நெருக்கடியில் ஆழ்த்தியுள்ளதுடன், ஈரான் அந்த நீரிணையை ஏறக்குறைய முற்றிலுமாக முடக்கவும் வழிவகுத்து, உலகளாவிய எரிசக்தி மற்றும் உரங்களின் விலைகளை விண்ணைத் தொடும் அளவுக்கு உயர்த்தியுள்ளது.
போருக்கு முன்னதாக, ஜெனீவாவில் அமெரிக்காவுக்கும் ஈரானுக்கும் இடையிலான பேச்சுவார்த்தைகளை ஓமன் மத்தியஸ்தம் செய்தது; அதேவேளை, ஓமனும் ஈரானின் தாக்குதலுக்கு இலக்கானது.
புதன்கிழமை அன்று, ஓமனும் ஈரானும் ஹார்முஸ் நீரிணையைக் கட்டுப்படுத்த அனுமதிக்கும் சாத்தியமான குறுகிய கால ஏற்பாடு குறித்துக் கேட்கப்பட்டபோது, அமெரிக்க ஜனாதிபதி டொனால்ட் ட்ரம்ப், ஓமன் நிர்வாகம் அவ்வாறு செய்தால் அவர்களைத் தகர்த்துவிடுவதாக கூறி, ஓமானை அச்சுறுத்துவது போல் மிரட்டல் விடுத்தார்.
ஈரான் போர் தொடர்பில் ஒரு ஒப்பந்தத்தை எட்டுவதில் அமெரிக்கா தடுமாறுவதின் பின்னணியில், இஸ்ரேலின் வலுவான கோரிக்கைகள் இருப்பதாகவே கூறப்படுகிறது. இதனாலையே, அமெரிக்கா முன்வைக்கும் ஒப்பந்தங்களை ஈரான் தொடர்ந்து நிராகரித்து வருகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மட்டக்களப்பு, Lusaka, Zambia, மஹிகெங், Mahikeng, South Africa
26 May, 2026
கொழும்பு, புங்குடுதீவு 10ம் வட்டாரம், ஜேர்மனி, Germany, Scarborough, Canada
25 May, 2021
உடுவில் தெற்கு, Stuttgart, Germany, Scarborough, Canada
10 Jun, 2025
மாத்தளை, கிளிநொச்சி, புங்குடுதீவு 3ம் வட்டாரம், புங்குடுதீவு குறிகட்டுவான், Villeneuve-Saint-Georges, France
22 May, 2026
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
கொட்டடி, யாழ்ப்பாணம், நல்லூர், கொக்குவில், Northolt, United Kingdom
23 May, 2026
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026