லங்காசிறி FM
இஸ்ரோவின் புதிய தலைவராகும் தமிழர்.., யார் இந்த வி.நாராயணன்?
இஸ்ரோவின் தற்போதைய தலைவராக இருக்கும் சோம்நாத்தின் பதவிக்காலம் முடிவடையவுள்ள நிலையில் புதிய தலைவராக வி.நாராயணன் நியமிக்கப்பட்டுள்ளார்.
யார் இவர்?
இஸ்ரோவின் தற்போதைய தலைவராக இருக்கும் சோம்நாத்தின் பதவிக்காலம் அடுத்த வாரத்துடன் முடிவடையவுள்ள நிலையில் புதிய தலைவராக வி.நாராயணன் நியமிக்கப்பட்டுள்ளார்.
தமிழக மாவட்டமான கன்னியாகுமரி மாவட்டத்தைச் சேர்ந்தவர் வி.நாராயணன். இவர், வரும் 14-ம் திகதி இஸ்ரோவின் தலைவராக பதவியேற்க உள்ளார்.
அடுத்த 2 ஆண்டுகளுக்கு இவர் தான் இஸ்ரோ தலைவராக பதவியில் இருப்பார். இவர் கடந்த 40 ஆண்டுகளாக இஸ்ரோவில் முக்கிய பொறுப்புகளில் இருந்துள்ளார். ராக்கெட் மற்றும் விண்கல உந்துதல் தொழில் நுட்பத்தில் நிபுணத்துவம் பெற்றுள்ளார்.
இவர், காரக்பூரில் உள்ள ஐஐடியில் படித்து ஏரோ ஸ்பேஸ் இன்ஜினியரிங்கில் டாக்டர் பட்டம் பெற்றுள்ளார். இவர் சிறந்த மாணவராக விளங்கியது மட்டுமல்லாமல் சில்வர் மெடலும் பெற்றுள்ளார்.
மேலும், ஆஸ்ட்ரோனேட்டிக்கல் சொசைட்டி ஆப் இந்தியாவின் கோல்டு மெடல் வாங்கியுள்ளார். முக்கியமாக, இஸ்ரோவில் பல்வேறு திட்டங்களில் சிறப்பாக பணியாற்றியதற்காக பல விருதுகளை பெற்றுள்ளார்.
சென்னையில் உள்ள சத்யபாமா பல்கலைக்கழகத்தில் கவுரவ டாக்டர் பட்டம் பெற்றுள்ளார். இஸ்ரோவின் திட்டங்களான ஆதித்யா விண்கலம், ஜி.எஸ்.எல்.வி எம்.கே III ராக்கெட் திட்டங்கள், சந்திரயான் 2 மற்றும் சந்திரயான் 3 ஆகிய திட்டங்களிலும் முக்கிய பங்காற்றியுள்ளார்.
வரும் 2026-ம் ஆண்டில் மனிதனை விண்ணிற்கு அனுப்பும் ககன்யான் திட்டம் செயல்படுத்தப்படவுள்ளது. இதனால், இஸ்ரோவின் புதிய தலைவராக போகும் நாராயணனுக்கு பல ப்ராஜெகெட்கள் உள்ளன.
முன்னதாக, இஸ்ரோ தலைவராக தமிழகத்தை சேர்ந்த கே. சிவன் பதவி வகித்து வந்த நிலையில் புதிய தலைவராக மேலும் ஒரு தமிழர் நியமனம் செய்யப்பட்டுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 3ம் வட்டாரம், London, United Kingdom
13 Oct, 2024