லங்காசிறி FM
ஒரே போட்டியில் 2 சாதனைகளை முறியடித்த வைபவ் சூரியவன்ஷி
நேற்றைய ஐபிஎல் போட்டியில் வைபவ் சூரியவன்ஷி 2 சாதனைகளை முறியடித்துள்ளார்.
ராஜஸ்தான் ராயல்ஸ் வெற்றி
ஐபிஎல் தொடரில் நேற்று நடைபெற்ற போட்டியில், ராஜஸ்தான் ராயல்ஸ் மற்றும் லக்னோ சூப்பர் ஜெய்ன்ட்ஸ் அணிகள் மோதியது.
முதலில் துடுப்பாட்டம் ஆடிய ராஜஸ்தான் ராயல்ஸ், 20 ஓவர்கள் முடிவில் 5 விக்கெட் இழப்பிற்கு 159 ஓட்டங்கள் குவித்தது.
160 ஓட்டங்கள் என்ற வெற்றி இலக்குடன் களமிறங்கிய லக்னோ சூப்பர் ஜெய்ன்ட்ஸ் அணி, 18 ஓவர்களில் 119 ஓட்டங்கள் மட்டுமே எடுத்து அனைத்து விக்கெட்களையும் இழந்தது.
இதன் மூலம், ராஜஸ்தான் ராயல்ஸ் அணி 40 ஓட்டங்கள் வித்தியாசத்தில் வெற்றி பெற்றது.
வைபவ் சூரியவன்ஷி சாதனை
இந்த போட்டியில், 8 ஓட்டங்களை குவித்த ராஜஸ்தான் ராயல்ஸ் வீரர் வைபவ் சூரியவன்ஷி, ஐபிஎல் தொடரில் 500 ஓட்டங்களை கடந்துள்ளார். இதன் மூலம், ஐபிஎல் தொடரில் 2 சாதனைகளை படைத்துள்ளார்.
முன்னதாக ஐபிஎல் தொடரில், கிளென் மேக்ஸ்வெல் 260 பந்துகளில் 500 ஓட்டங்கள் எடுத்ததே, ஐபிஎல் தொடரில் குறைந்த பந்துகளில் 500 ஓட்டங்களை எடுத்தது சாதனையாக இருந்தது.
தற்போது, 227 பந்துகளில் 500 ஓட்டங்கள் எடுத்து வைபவ் சூரியவன்ஷி அந்த சாதனையை முறியடித்துள்ளார்.
மேலும், பிரித்வி ஷா 16 வயதில் 500 ஓட்டங்கள் எடுத்ததே, ஐபிஎல் தொடரில் இளம் வயதில் ஒரு வீரர் 500 ஓட்டங்களை கடந்தது சாதனையாக இருந்தது.
தற்போது, வைபவ் சூரியவன்ஷி 15 வயதில் 500 ஓட்டங்களை கடந்து அந்த சாதனையையும் முறியடித்துள்ளார்.
இதன் மூலம், ஐபிஎல் தொடரில், இளம் வயதிலும், அதிவேகமாகவும் 500 ஓட்டங்களை கடந்த வீரர் என்ற 2 சாதனைகளை வைபவ் சூரியவன்ஷி தன்வசப்படுத்தியுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
