இலங்கையில் அநுரவை போன்று தமிழகத்தில் வரலாறு படைக்கப்போகும் விஜய்

இலங்கையில் அநுரவை போன்று தமிழகத்தில் விஜய் வரலாறு படைக்க வாய்ப்புள்ளது என சிரேஷ்ட ஊடகவியலாளர் தமிழரசு தெரிவித்துள்ளார்.

2026 தமிழ்நாடு சட்டமன்ற தேர்தல்

2026 தமிழ்நாடு சட்டமன்றத்திற்கான தேர்தல் வரும் ஏப்ரல் 23 ஆம் திகதி நடைபெற உள்ளது.

தமிழ்நாடு தேர்தல் களத்தில், திமுக கூட்டணி, அதிமுக கூட்டணி, நாம் தமிழர் கட்சி மற்றும் தமிழக வெற்றிக் கழகம் என களத்தில் 4 முனை போட்டி நிலவுகிறது. 

மே 4 ஆம் திகதி வாக்கு எண்ணிக்கை நடைபெற உள்ள நிலையில், மீண்டும் திமுக கூட்டணி ஆட்சி அமைக்குமா, அல்லது அதிமுக கூட்டணி ஆட்சியை கைப்பற்றுமா அல்லது தனது முதல் தேர்தலிலே தமிழக வெற்றிக் கழகம் ஆட்சியை பிடிக்குமா என பல்வேறு எதிர்பார்ப்புகள் தமிழக மக்களிடம் உள்ளது.

தவெக தலைவர் விஜய் பிரச்சாரத்திற்கு செல்லுமிடமெல்லாம், அவரை காண ஏராளமான மக்கள் கூட்டம் வருகிறது. இதனால் விஜய் இந்த தேர்தலில் திமுக, அதிமுக போன்ற பாரம்பரிய கட்சிகளின் வாக்கு வங்கிகளில் சேதத்தை ஏற்படுத்துவார் என்ற கருத்து உள்ளது.

அதேவேளையில், விஜய்யை பார்க்க வரும் கூட்டம், அவர் சினிமா நடிகராக என்பதாலே வருகிறது. இந்த கூட்டம் வாக்குகளாக மாறாது. அதில் பலருக்கும் வாக்களிக்கும் வயதே இல்லை என்ற விமர்சனம் எழுந்துள்ளது. 

எதிரணி தோற்க மாந்திரீக சடங்கு செய்த ஐபிஎல் அணி உரிமையாளர் - ரகசியத்தை உடைத்த லலித் மோடி

வரலாறு படைக்கப்போகும் விஜய்

இந்நிலையில், விஜய் இந்த தேர்தலில் தாக்கத்தை ஏற்படுத்துவாரா என்பது குறித்து IBC Tamil ன் சிரேஷ்ட ஊடகவியலாளர் தமிழரசு விரிவாக பேசியுள்ளார். 

இலங்கையில் நடைபெற்ற தேர்தலின் போது, இது போன்ற அனுரவை ஆதரிப்பவர்கள் சமூகவலைத்தளவாசிகள் அவற்றுக்கு வாக்கு கிடைக்காது, வெற்றி பெற மாட்டார் என பேசி வந்தனர். ஆனால் பாரம்பரிய கட்சிகளை வீழ்த்தி ஆட்சியை பிடித்தார்.

இதே போல், 2013 டெல்லி சட்டமன்ற தேர்தலில், கட்சி சந்தித்த முதல் தேர்தலிலே அரவிந்த் கெஜ்ரிவால் 28 தொகுதிகள் வெற்றி பெற்று, கூட்டணி ஆதரவுடன் டெல்லியின் முதல்வராக பதவியேற்றார்.

மேலும், சிவாஜி கணேசன் மற்றும் கமல்ஹாசன் உள்ளிட்ட நடிகர்கள் சினிமாவின் உச்சத்தில் இருந்த போது கட்சி தொடங்கவில்லை. மார்க்கெட் இழந்த பின்னரே கட்சி தொடங்கினர். ஆனால் விஜய் உச்சநடிகராக உள்ள போது அரசியலுக்கு வந்துள்ளார் உள்ளிட்ட பல்வேறு கருத்துக்களை முன்வைத்துள்ளார்.

மேலதிக தகவல்களுக்கு வீடியோவை காண்க