லங்காசிறி FM
ஏர் இந்தியா விமான விபத்து - முன்னாள் முதல்வரின் உயிரை பறித்த அதிர்ஷ்ட எண்
ஏர் இந்தியா விமான விபத்தில், முன்னாள் முதல்வர் விஜய் ரூபானியின் அதிர்ஷ்ட எண்ணே அவரின் உயிரை பறித்துள்ளது.
ஏர் இந்தியா விமான விபத்து
குஜராத் மாநிலம் அகமதாபாத்தில் இருந்து லண்டன் நோக்கி நேற்று புறப்பட்ட ஏர் இந்தியா விமானம், புறப்பட்ட சில வினாடிகளில், மேகானி நகரில் இருந்த பிஜே மருத்துவக் கல்லூரி விடுதியின் கட்டடத்தில் விழுந்து விபத்தை சந்தித்தது.
இதில் பயணிகள் விமான ஊழியர்கள் உட்பட 242 பேர் பயணித்த நிலையில், ஒருவர் மட்டும் உயிர் பிழைக்க 241 பேர் உயிரிழந்தனர்.
இந்த விமானத்தில் பயணித்த குஜராத் மாநில முன்னாள் முதல்வர் விஜய் ரூபானியும் இந்த விபத்தில் உயிரிழந்துள்ளார்.
முன்னாள் முதல்வரின் அதிர்ஷ்ட எண்
எண் கணிதத்தில் தீவிர நம்பிக்கை கொண்ட விஜய் ரூபானி, 1206 என்ற எண்ணை தனது அதிர்ஷ்ட எண்ணாகக் கருதியுள்ளார்.
அவரது கார் மற்றும் இருசக்கர வாகனங்களின் பதிவு எண் கூட 1206 என்ற எண்ணே உள்ளது.
விஜய் ரூபானியின் மகள் லண்டனில் வசித்து வரும் நிலையில், அவரை பார்க்க ஜூன் 5 ஆம் திகதி முதல் ஜூன் 12 ஆம் திகதி வரை மனைவியுடன் லண்டன் செல்ல திட்டமிட்டிருந்தார்.
தற்போது பஞ்சாப் மாநில பாஜக பொறுப்பாளராக அவர் உள்ளதால், மேற்கு லூதியானா தொகுதி இடைத்தேர்தல் பிரச்சாரத்தில் ஈடுபட வேண்டியிருந்தது.
இதனால் அவர் தனது மனைவியை 5 ஆம் திகதி லண்டனுக்கு அனுப்பி வைத்து விட்டு, அவரின் அதிர்ஷ்ட நாளான 1206(12 ஜூன்) அன்று லண்டன் புறப்பட்டுள்ளார். அதுவும் 12வது எண் இருக்கையில் பயணித்துள்ளார்.
ஆனால், அவரது அதிர்ஷ்ட எண் அவருக்கு துரதிர்ஷ்டமாக மாறி அவரின் உயிரை பறித்துள்ளது.
அவரின் மறைவிற்கு அரசியல் தலைவர்கள் இரங்கல் தெரிவித்து வருகின்றனர்.
மறைந்த விஜய் ரூபானி, ஆகஸ்ட் 2016 முதல் செப்டம்பர் 2021 வரை குஜராத்தின் 16வது முதல்வராகப் பணியாற்றினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
உடுவில் தெற்கு, Stuttgart, Germany, Scarborough, Canada
10 Jun, 2025
புங்குடுதீவு 7ம் வட்டாரம், London, United Kingdom
30 Jun, 2012
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
