லங்காசிறி FM
மதுரை, திருச்சியை அடுத்து சேலம்.., விஜய் கட்சியின் அரசியல் மாநாடு நடக்கும் இடம் இங்கு தான்!
தமிழக வெற்றி கழகத்தின் முதல் அரசியல் மாநாடு சேலம் மாவட்டத்தில் நடைபெறுவதாக தகவல் வெளியாகியுள்ளது.
தமிழக வெற்றி கழகம்
நடிகர் விஜய் தமிழக வெற்றி கழக கட்சியை தொடங்கி தீவிர அரசியலில் ஈடுபட்டு வருகிறார். அவர் வரும் 2026 சட்டமன்ற தேர்தலில் போட்டியிடவுள்ளதாக அறிவித்துள்ளார்.
அவர் மக்களுக்கு பல நலத்திட்ட உதவிகளை செய்தும், மாணவ மாணவியருக்கு கல்வி ஊக்கத்தொகை வழங்கி சிறப்பித்தும் வருகிறார்.
இந்நிலையில், தனது கட்சியின் பெயர் மற்றும் சின்னத்தை மக்களிடம் கொண்டு சேர்ப்பதற்கான வேலைகளை நடிகர் விஜய் செய்து வருவதாக கூறப்படுகிறது.
இதற்காக பிரம்மாண்டமான மாநாட்டை நடத்தவுள்ளார். அதற்குரிய வேலைகளையும் கட்சி நிர்வாகிகள் தீவிரமாக செய்து வருகின்றனர்.
சேலத்தில் மாநாடு
அதன்படி, ஒரு மாநில மாநாடு, 4 மண்டல மாநாடு, மாவட்ட பொதுக் கூட்டங்களை நடிகர் விஜய் நடத்தவுள்ளதாக தெரிகிறது. அதோடு, மாநாட்டை முடித்து விட்டு 234 தொகுதிகளுக்கும் விஜய் நடைபயணம் மேற்கொள்ள திட்டமிட்டிருப்பதாகவும் தகவல் வந்துள்ளது.
இதில், தவெக மாநாட்டை பொறுத்தவரை முதலில் மதுரையில் நடத்தவிருப்பதாக தகவல் வெளியானது. அதன்பின்னர், இந்த மாநாட்டை திருச்சியில் நடத்த விஜய் திட்டமிட்டிருப்பதாக தகவல் வெளியானது.
ஆனால், தற்போது விஜயின் அரசியல் மாநாட்டை சேலத்தில் நடத்தவுள்ளதாக தகவல் வெளியாகியுள்ளது.
இந்நிலையில், நிகழ்ச்சி ஒன்றில் கலந்து கொள்வதற்காக தமிழக வெற்றி கழகத்தின் பொதுச் செயலாளரான புஸ்ஸி ஆனந்த் சேலம் வந்திருந்தார்.
அப்போது அவர், சேலம் அருகே உள்ள தலைவாசல், கெஜல்நாயக்கன்பட்டி, காக்காபாளையம் ஆகிய பகுதிகளில் இருக்கும் மைதானங்களில் உள்ளூர் நிர்வாகிகளுடன் ஆய்வினை மேற்கொண்டுள்ளார்.
இதன்மூலம், விஜய் கட்சியின் அரசியல் மாநாடு சேலத்தில் நடைபெற இருப்பதாக தகவல் கிடைத்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
