லங்காசிறி FM
8 குழந்தைகளுக்கு மேல் பெற்றுக்கொள்ளுங்கள்.. ரஷ்ய பெண்களிடம் கேட்டுக்கொண்ட ஜனாதிபதி புடின்
பெண்கள் எட்டுக்கும் மேற்பட்ட குழந்தைகளை பெற்றுக்கொள்ளுமாறு ரஷ்ய ஜனாதிபதி விளாடிமிர் புடின் வலியுறுத்தியுள்ளார்.
ஒவ்வொரு ரஷ்ய பெண்ணும் ஏழு, எட்டு அல்லது அதற்கு மேற்பட்ட குழந்தைகளை பெற்றெடுக்க வேண்டும் என அந்நாட்டு ஜனாதிபதி விளாடிமிர் புடின் கேட்டுக்கொண்டுள்ளார். பாரிய குடும்பங்கள் இருப்பது தார்மீக கட்டாயம் என்று புடின் கூறியுள்ளார்.
மக்கள்தொகை குறைவதைத் தடுக்க அதிக குழந்தைகளைப் பெறுமாறு குடிமக்களை புடின் வலியுறுத்தினார்.
மாஸ்கோவில் நடந்த உலக ரஷ்ய மக்கள் கவுன்சில் கூட்டத்தில் பங்கேற்ற புடின், பல தலைப்புகளில் உரையாற்றினார். ரஷ்ய குடும்பங்களில் "நமது பாட்டி, தாத்தாக்கள் 7 முதல் 8 குழந்தைகள் பெற்றுள்ளனர் என்பதை நினைவில் கொள்ள வேண்டும். பாரிய குடும்பம் என்பது ரஷ்யாவில் உள்ள அனைத்து மக்களுக்கும் வழக்கமாகவும், வாழ்க்கை முறையாகவும் மாற வேண்டும். குடும்ப பாரம்பரியங்களைப் பாதுகாப்பது தார்மீகப் பொறுப்பு" என்று புடின் கூறினார்.
ரஷ்யாவின் மக்கள் தொகை தற்போது கணிசமாக குறைந்து வருகிறது. உக்ரைனில் நடந்த போரில் 300,000 ரஷ்ய வீரர்கள் கொல்லப்பட்டுள்ளதாக இங்கிலாந்து பாதுகாப்பு அமைச்சகம் தெரிவித்துள்ளது.
பொருளாதார நிலைமைகள் மற்றும் பல மோதல்கள் காரணமாக, ரஷ்யாவில் பலர் குழந்தைகளைப் பெற வேண்டாம் அல்லது மனரீதியாக அல்லது நிதி ரீதியாக நிலையானதாக இருக்கும் வரை அதை ஒத்திவைக்க முடிவு செய்கிறார்கள்.
மேலும், பெண்களும் நன்கு படித்தவர்களாக இருப்பதால், திருமண வயது மற்றும் குழந்தை பிறக்கும் வயது படிப்படியாக அதிகரித்து வருகிறது. இத்தகைய சூழ்நிலைகளில் ரஷ்யர்களின் அணுகுமுறையில் இத்தகைய பாரிய மாற்றத்தை புடின் கோருகிறார்.
புடினுக்கு மூன்று மனைவிகளும் ஆறு குழந்தைகளும் இருப்பதாக கூறப்படுகிறது. ஆனால் புடின் தனது இரண்டு மகள்களை மட்டுமே தனது குழந்தைகளாக பகிரங்கமாக ஒப்புக்கொண்டுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Putin asks Russian women to have 8 or more children, World Russian People's Council, Russian President Vladimir Putin, Russia population
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
