லங்காசிறி FM
இந்திய அணியில் இவரை எப்படி சமாளிக்க போறோம் தெரியலையே? இங்கிலாந்து வீரர் ஓபன் டாக்
Balakumar
in கிரிக்கெட்
இங்கிலாந்து அணியின் ஆல் ரவுண்டரான மொயின் அலி, இந்திய அணி கேப்டனான கோஹ்லியை எப்படி சமாளிக்க போகிறோம் என்பது தெரியவில்லை என்று கூறியுள்ளார்.
இந்தியாவிற்கு சுற்றுப்பயணம் மேற்கொண்டுள்ள இங்கிலாந்து அணி, இங்கு டெஸ்ட், ஒருநாள் தொடர் மற்றும் டி20 தொடர் என மூன்றுவித தொடர்களில் விளையாடவுள்ளது.
இரு அணிகளுடக்கிடையேயான டெஸ்ட் தொடரின் முதல் இரண்டு போட்டிகள் சென்னை சேப்பாக்கம் மைதானத்தில் நடக்க இருக்கின்றன.
முதல் டெஸ்ட் போட்டி சென்னையில் வரும் 5-ஆம் திகதி நடைபெறவுள்ளது.
தற்போது சென்னை வந்துள்ள இங்கிலாந்து வீரர்களுக்கு கொரோனா பரிசோதனை மேற்கொள்ளப்பட்டு தனிமைப்படுத்துதலில் வைக்கப்பட்டுள்ளனர்.
இந்நிலையில் இங்கிலாந்து அணியின் ஆல் ரவுண்டர் மொயீன் அலி காணொலி மூலம் நடைபெற்ற உரையாடலின் போது, கோஹ்லி இப்போது நல்ல பார்மில் இருக்கிறார். குழந்தை பிறந்த மகிழ்ச்சி, அவுஸ்திரேலியாவில் டெஸ்ட் தொடரை இந்திய அணி வென்றது ஆகிய காரணங்களால் கோஹ்லி உற்சாகமாக இருப்பார்.
கோஹ்லிக்கு இந்திய ஆடுகளத்தில் எந்த பலவீனமும் இருப்பதாக நான் நினைக்கவில்லை.
இதையெல்லாம் நினைக்கும் போது கோஹ்லியை எப்படி சமாளிக்கப் போகிறோம், எவ்வாறு ஆட்டமிழக்கச் செய்யப் போகிறோம் என்பது தெரியவில்லை என கூறியுள்ளார்.
கொடிகாமம், Recklinghausen, Germany, Harrow, United Kingdom
14 Jul, 2025
யாழ்ப்பாணம், முகத்தான்குளம், செட்டிக்குளம், Liverpool, United Kingdom
20 Jun, 2025
