லங்காசிறி FM
UPI மூலம் தவறுதலாக பணம் அனுப்பினால் உடனே செய்ய வேண்டியது என்ன?
யுபிஐ பயனாளர்கள் தவறுதலாக பணம் செலுத்தினால் அதனை திரும்பப் பெறுவது குறித்த விடயங்களை இந்த பதிவில் பார்க்கலாம்.
யுபிஐ பரிவர்த்தனை (UPI transaction)
தற்போதைய காலத்தில் நாம் பணம் அனுப்புவதற்கு வங்கிகளுக்கு செல்ல வேண்டிய அவசியம் இல்லை. நாம் வீட்டில் இருந்தபடியே கையில் இருக்கும் மொபைல் மூலம் பணத்தை அனுப்பிக் கொள்ளலாம்.
முக்கியமாக யுபிஐ வந்தபிறகு பணம் அனுப்புவதற்கு இன்னும் எளிதாகிவிட்டது. கூகுள் பே, பேடிஎம், போன்பே (Google Pay, Paytm, PhonePay) என எந்த யுபிஐ முறை என்றாலும் மக்கள் அதனை பயன்படுத்தி வருகின்றனர்.
எங்கு சென்றாலும் துணிக்கடை முதல் டீக்கடை வரை UPI மூலம் தான் பணம் செலுத்துகின்றனர். அந்த அளவிற்கு அசுர வளர்ச்சி அடைந்துள்ளது.
இந்நிலையில், யுபிஐ பயனாளர்கள் தவறுதலாக பணம் செலுத்தினால் அதனை திரும்பப் பெறுவது தொடர்பான ரிசர்வ் வங்கியின் (Reserve Bank of India) வழிகாட்டுதல் என்ன என்பதை பார்க்கலாம்.
என்ன செய்ய வேண்டும்?
* யுபிஐ மூலம் நீங்கள் தவறுதலாக பணம் அனுப்பியிருந்தால், பணம் பெற்றவரை தொடர்பு கொண்டு விவரத்தை சொல்லலாம். அவரிடம் பேசி பணம் பெறுவதற்கான முயற்சிகளை மேற்கொள்ளலாம்.
* நீங்கள் தவறுதலாக பணம் அனுப்பிய யுபிஐ செயலியின் கஸ்ட்மர் சப்போர்டை (Customer support) தொடர்பு கொண்டு நடந்தவற்றை சொல்லலாம். இதில், ரீஃபண்ட் (Refund) சார்ந்த தகவல்களை பயனர்கள் தர வேண்டியது அவசியமானதாகும்.
* யுபிஐ செயலியின் கஸ்ட்மர் சப்போர்ட் மூலம் தீர்வு காண முடியாத பட்சத்தில் நேஷனல் பேமென்ட் கார்ப்பரேஷன் ஆஃப் இந்தியாவை (National Payments Corporation of India) தொடர்பு கொண்டு புகார் அளிக்கலாம்.
* தவறுதலாக அனுப்பிய பயனர் தங்களுக்கு சம்மந்தமான வங்கியை தொடர்பு கொண்டு உதவி கோரலாம்.
* தவறான யுபிஐ பரிவர்த்தனை குறித்து 1800-120-1740 என்ற டோல் ப்ரீ எண்ணை (toll free number) அழைத்து விவரத்தை சொல்லலாம்.
* தவறான QR code-யை Scan செய்து பணம் அனுப்பிருந்தால் சம்பந்தப்பட்ட யுபிஐ செயலியின் கஸ்ட்மர் சப்போர்டை தொடர்பு கொள்ள வேண்டும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
