2024 பாரீஸ் ஒலிம்பிக் போட்டிகளில் அதிக பதக்கங்களை வென்ற நாடு எது?
2024 பாரீஸ் ஒலிம்பிக் போட்டிகள் முடிவடைந்துள்ளன. அடுத்து, இம்மாதம், அதாவது, ஆகத்து மாதம் 28ஆம் திகதி முதல் செப்டம்பர் மாதம் 8ஆம் திகதிவரை, பாரா ஒலிம்பிக் போட்டிகள் நடைபெற உள்ளன.
ஒலிம்பிக் போட்டிகளில் அதிக பதக்கங்களைப் பெற்ற நாடு
ஒலிம்பிக் போட்டிகள் நடந்து முடிந்துள்ள நிலையில், எந்தெந்த நாடுகள் அதிக பதக்கங்களை வென்றுள்ளன என்று பார்க்கலாம்.
பதக்கப்பட்டியலில் முதலிடத்தைப் பெற்றுள்ள நாடு, அமெரிக்கா. 40 தங்கம், 44 வெள்ளி மற்றும் 42 வெண்கலம் என மொத்தம் 126 பதக்கங்கள் வென்றுள்ளது அமெரிக்கா.
இரண்டாவது இடத்தைப் பிடித்துள்ள நாடு, சீனா. 40 தங்கம், 27 வெள்ளி 24 வெண்கலம் என மொத்தம் 91 பதக்கங்களை வென்றுள்ளது சீனா.
மூன்றாவது இடத்தைப் பெற்றுள்ள நாடு, ஜப்பான். 20 தங்கம், 12 வெள்ளி, 13 வெண்கலம் என மொத்தம் 45 பதக்கங்களுடன் நாடு திரும்பியுள்ளார்கள் அந்நாட்டு வீரர்கள்.
ஒலிம்பிக் போட்டிகளை நடத்திய பிரான்ஸ் நாட்டுக்கு 64 பதக்கங்கள் கிடைத்துள்ளன. அவற்றில் தங்கப்பதக்கங்கள் 16, வெள்ளிப்பதக்கங்கள் 26 மற்றும் வெண்கலப்பதக்கங்கள் 22.
2024 பாரீஸ் ஒலிம்பிக்கில் பிரித்தானியா பெற்ற பதக்கங்கள், தங்கம் 14, வெள்ளி 22 மற்றும் வெண்கலம் 29 என மொத்தம் 65 பதக்கங்களை வென்றுள்ளது பிரித்தானியா.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |