அறுவை சிகிச்சையின் தந்தைக்கு பிரித்தானியாவில் கௌரவம்: யார் இந்த சுஷ்ருதர்?

அறுவை சிகிச்சையின் தந்தை என்று கருதப்படும் சுஷ்ருத மகரிஷியை கௌரவிக்கும் வகையில், ஸ்கொட்லாந்தின் ராயல் அறுவை சிகிச்சை நிபுணர்கள் கல்லூரியில் அவரது சிலை திறக்கப்பட்டுள்ளது.

யார் இந்த சுஷ்ருதர்?

சுஷ்ருத மகரிஷி அல்லது ஆச்சார்யா சுஷ்ருதர் என அழைக்கப்படும் சுஷ்ருதர், இந்தியாவின் உத்தரப்பிரதேசத்திலுள்ள கன்யாகுப்ஜா என்னும் இடத்தில் பிறந்தவர். 

கன்யாகுப்ஜா இன்று கண்ணோஜ் என அழைக்கப்படுகிறது.

தன் வாழ்நாள் முழுவதையும் மருத்துவத்துக்காக செலவிட்ட சுஷ்ருதர், 2,600 ஆண்டுகளுக்கு முன் 1,120 நோய்கள், 700க்கும் அதிகமான மருத்துவ குணம் கொண்ட தாவரங்கள், 300 மருத்துவ சிகிச்சை முறைகள் மற்றும் 120 அறுவை சிகிச்சை கருவிகள் குறித்து தனது புத்தகமான Sushrutha Samhita என்னும் புத்தகத்தில் எழுதி வைத்துச் சென்றுள்ளார். 

அந்த புத்தகத்தில், அறுவை சிகிச்சை, மருந்துகள் மூலம் சிகிச்சை, குழந்தைகள் மருத்துவம், நச்சியல், மனோவியல், கண், காது, மூக்கு மற்றும் தொண்டைக்கான சிகிச்சை, முதியோர் நலன் ஆகிய பல்வேறு மருத்துவத் துறைகள் குறித்து எழுதிவைத்துள்ளார் அவர். 

16 வயதில் ரூ.100 கோடி நிறுவனம் - சாதித்த இந்தியாவின் பிராஞ்சலி அவஸ்தி

இந்த காலத்தைப்போல எந்த நவீன கருவிகளும் இல்லாத நிலையிலும், அறுவை சிகிச்சை மட்டுமின்றி, மூக்கு முதலான உறுப்புகள், தீயால் பாதிக்கப்பட்ட உடல் பாகங்களை மறுசீரமைக்கும் பிளாஸ்டிக் சர்ஜரி என்னும் சிகிச்சையிலும் சிறந்து விளங்கிய சுஷ்ருதர், 'அறுவை சிகிச்சையின் தந்தை' என்று மட்டுமல்ல, பிளாஸ்டிக் அறுவை சிகிச்சையின் தந்தை (father of plastic surgery) என்றும் அழைக்கப்படுகிறார். 

இந்நிலையில், அறுவை சிகிச்சைத் துறைக்கு அவர் ஆற்றிய முன்னோடிப் பங்களிப்புகளை அங்கீகரிக்கும் விதமாக, இந்திய மருத்துவரான ஆச்சார்ய சுஷ்ருதரின் 90 கிலோகிராம் எடையுள்ள வெண்கலச் சிலை ஒன்று எடின்பர்க் ராயல் அறுவை சிகிச்சை நிபுணர்கள் கல்லூரியில் திறந்து வைக்கப்பட்டுள்ளது. 

Consul General unveiled the bronze sculpture of Sage Sushruta, revered as the Father of Surgery, at the Royal College of Surgeons of Edinburgh @RCSEd .
The ceremony celebrated India’s ancient medical heritage, the historical India-Scotland links in medicine and surgery, and the… pic.twitter.com/xM59OcKCeM

— India In Scotland (@IndiaInScotland) June 19, 2026

பல ஆண்டுகளுக்கு முன்பே, அவுஸ்திரேலியாவின் மெல்போர்னிலுள்ள ராயல் ஆஸ்ட்ரேலியன் அறுவை சிகிச்சை நிபுணர்கள் கல்லூரியில் சுஷ்ருதருடைய பளிங்குச் சிலை ஒன்று திறந்துவைக்கப்பட்டது.

அந்த சிலை, பிரபல இந்திய இதய அறுவை சிகிச்சை நிபுணரான Dr KM செரியன் அவர்களால் பரிசளிக்கப்பட்டது என்பது குறிப்பிடத்தக்கது.