லங்காசிறி FM
இந்திய வம்சாவளியை AI ஆலோசகராக நியமனம் செய்த ட்ரம்ப்.., சென்னையில் பிறந்த ஸ்ரீராம் கிருஷ்ணன் யார்?
செயற்கை நுண்ணறிவு தொடர்பான வெள்ளை மாளிகை கொள்கை ஆலோசகராக டொனால்ட் ஸ்ரீராம் கிருஷ்ணனை நியமித்து டொனால்ட் ட்ரம்ப் உத்தரவு பிறப்பித்துள்ளார்.
யார் இவர்?
இந்திய வம்சாவளியைச் சேர்ந்த ஸ்ரீராம் கிருஷ்ணனை அமெரிக்க ஏஐ தொழில்நுட்பத் துறை கொள்கை ஆலோசகராக நியமித்து டொனால்ட் ட்ரம்ப் உத்தரவு பிறப்பித்துள்ளார்.
வெள்ளை மாளிகையின் அறிவியல் மற்றும் தொழில்நுட்பக் கொள்கை அலுவலகத்தில் செயற்கை நுண்ணறிவுக்கான மூத்த கொள்கை ஆலோசகராக ஸ்ரீராம் கிருஷ்ணன் பணியாற்றுவார் ட்ரம்ப் தனது உத்தரவில் கூறியுள்ளார்.
அறிவியல் மற்றும் தொழில்நுட்பம் தொடர்பான ஜனாதிபதியின் ஆலோசகர்கள் குழுவுடன் இணைந்து பணியாற்றும் அரசு நிறுவனங்களில் AI கொள்கையை வடிவமைப்பதிலும் ஒருங்கிணைப்பதிலும் அவர் முக்கிய பங்கு வகிப்பார் என்றும் ட்ரம்ப் கூறியுள்ளார்.
தமிழ்நாட்டில் சென்னையில் பிறந்து வளர்ந்த ஸ்ரீராம் கிருஷ்ணன் சாதாரண குடும்பத்தில் இருந்து வந்தவர்.
இவர், மைக்ரோசாப்ட் நிறுவனத்தில் தனது வாழ்க்கையைத் தொடங்குவதற்கு முன்பு, தமிழ்நாட்டில் உள்ள எஸ்ஆர்எம் வள்ளியம்மை பொறியியல் கல்லூரியில் பட்டம் பெற்றார்.
அங்கு அவர் விண்டோஸ் அஸூருக்கான ஏபிஐகள் (Windows Azure) மற்றும் சேவைகளை உருவாக்குவதில் முக்கியப் பங்காற்றினார்.
பின்னர் அவர் ஓ'ரெய்லியால் வெளியிடப்பட்ட ப்ரோகிராமிங் விண்டோஸ் அஸூர் (Programming Windows Azure) என்ற புத்தகத்தை எழுதினார்.
2013 -ம் ஆண்டில் பேஸ்புக்கில் இணைந்த ஸ்ரீராம் கிருஷ்ணன், அதன் மொபைல் பயன்பாட்டு விளம்பர தளத்தை விரிவுபடுத்துவதில் முக்கியமாக இருந்தார்.
இதையடுத்து, 2019 வரை ஸ்னாப்பிலும் பின்னர் ட்விட்டரிலும் (இப்போது எக்ஸ்) பணிபுரிந்தார். அங்கு அவர் தளத்தை மறுசீரமைக்க உதவுவதற்காக எலோன் மஸ்க் உடன் பணியாற்றினார்.
2021 -ம் ஆண்டில், ஆண்ட்ரீசென் ஹொரோவிட்ஸ் (a16z) இல் ஒரு பொது பங்குதாரரானார். மேலும் 2023 -ம் ஆண்டில் லண்டனில் நிறுவனத்தின் முதல் சர்வதேச அலுவலகத்திற்கு தலைமை தாங்கினார்.
அதோடு, இந்திய ஃபின்டெக் நிறுவனமான க்ரெடிற்கு (Cred) ஸ்ரீராம் கிருஷ்ணன் ஆலோசனை வழங்குகிறார். மேலும், மனைவி ஆர்த்தி ராமமூர்த்தியுடன் நடத்தும் பிரபலமான போட்காஸ்ட் தி ஆர்த்தி மற்றும் ஸ்ரீராம் ஷோவை இணைந்து நடத்துகிறார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
