லங்காசிறி FM
6 ஆண்டுகளுக்கு முன் அடக்கம் செய்யப்பட்ட மனைவி உடல்! மீண்டும் அவரை நேரில் பார்த்ததால் அதிர்ச்சியடைந்த கணவன்
கென்யாவில் 6 ஆண்டுகளுக்கு முன்னர் உயிரிழந்த மனைவியை மீண்டும் உயிரோடு பார்த்ததால் கணவர் அதிர்ச்சியில் உறைந்த நிலையில் அது தொடர்பான தலைசுற்றவைக்கும் பின்னணி வெளியாகியுள்ளது.
கென்யாவை சேர்ந்தவர் உச்சங்கா கயிரூ. இவர் மனைவி லஹிரா அபிகைல். லஹிரா கடந்த 2015ல் உயிரிழந்ததாக கூறப்பட்ட நிலையில் அவர் சடலத்துக்கு இறுதிச்சடங்கு செய்து புதைத்திருக்கிறார் உச்சங்கா.
இந்த நிலையில் சமீபத்தில் கென்யா தலைநகர் நைரோபியில் உச்சங்கா சென்று கொண்டிருந்த போது லஹிராவை இளைஞன் ஒருவருடன் சேர்த்து பார்த்திக்கிறார். 6 ஆண்டுகளுக்கு முன்னர் மண்ணில் புதைத்தக்கப்பட்ட மனைவி எப்படி இங்கு நடந்து செல்கிறார் என குழம்பியபடியே அதிர்ச்சியடைந்த உச்சங்கா, அப்பெண்ணிடம் சென்று நீ லஹிரா தானே என கேட்க அவர் ’ஆம்’ என என கூறினார்.
இதன்பின்னர் தான் லஹிரா தான் இறந்துவிட்டதாக நாடகமாடிய திடுக்கிடும் தகவல் வெளியானது. இதையடுத்து உச்சங்கா பொலிசில் புகார் கொடுக்க இந்த வழக்கு நீதிமன்றத்துக்கு சென்றது.
உச்சங்கா கூறுகையில், என் கண்களை என்னாலேயே நம்ப முடியவில்லை, அவர் உடல் என் முன்னால் தான் அடக்கம் செய்யப்பட்டது, ஆனால் அவளை நான் மீண்டும் உயிரோடு பார்த்தேன் என அதிர்ச்சி விலகாமல் பேசினார்.
பொலிசார் கூறுகையில், திருமண பந்தத்தில் இருந்து தப்பிக்க லஹிரா தனது போலியான மரண நாடகத்தை நடத்தியுள்ளார். அவர் தனது காதலருடன் வாழ விரும்பிய நிலையில் தனது கணவரை விவாகரத்து செய்ய திட்டமிட்டார், ஆனால் கணவர் உச்சங்காவோ விவாகரத்து கொடுக்க மறுத்திருக்கிறார் என கூறியுள்ளனர்.
இது தொடர்பாக மனம் திறந்த லஹிரா, திருமணத்திற்கு பிறகு நான் நடத்தப்பட்ட விதம் வேதனையாக இருந்தது, நான் என் கணவருடன் மகிழ்ச்சியாக இல்லை, எனக்கு சுதந்திரம் தேவை என்பதால் இப்படி செய்தேன் என கூறியுள்ளார்.
இந்த வழக்கு தொடர்பாக நீதிமன்றத்தில் இரு குடும்பத்தினருக்கும் இடையே பெரும் வாக்குவாதம் ஏற்பட்டதால், நைரோபி உயர்நீதிமன்றம் இன்னும் இவ்வழக்கில் தீர்ப்பு வழங்கவில்லை என தெரியவந்துள்ளது.
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
