லங்காசிறி FM
கணவனுக்காக காலையில் விரதம் இருந்து.., மாலையில் விஷம் வைத்து கொன்ற மனைவி
கணவனின் நீண்ட ஆயுளுக்காக காலையில் விரதம் இருந்த மனைவி, அவரை மாலையில் விஷம் வைத்து கொன்றுள்ளார்.
கணவனை கொன்ற மனைவி
இந்திய மாநிலமான உத்தர பிரதேசம், கௌசாம்பி மாவட்டத்தை சேர்ந்த தம்பதியினர் ஷைலேஷ் குமார் (32) மற்றும் சவிதா.
இதில் மனைவி சவிதா, கர்வா சவுத் பண்டிகையின் ஒரு பகுதியாக கடந்த 20 -ம் திகதி ஷைலேஷின் நீண்ட ஆயுளுக்காக பிரார்த்தனை செய்து உண்ணாவிரதம் இருந்துள்ளார்.
இதனிடையே, கணவர் ஷைலேஷுக்கு வேறொரு பெண்ணுடன் தொடர்பு இருப்பதாக மனைவிக்கு சந்தேகம் எழுந்துள்ளது. பின்னர், மாலையில் விரதத்தை முடித்துவிட்டு கணவரிடம் அதை பற்றி கேட்டுள்ளார்.
இதனால் இருவருக்கும் இடையே பிரச்சனை ஏற்பட்டு சமாதானம் ஆகி ஒன்றாக இருவரும் சாப்பிட்டுள்ளார். பின்னர், சிறிது நேரத்தில் ஷைலேஷ் மயங்கி விழுந்துள்ளார். இதையடுத்து, சவிதா அங்கிருந்து கிளம்பி தலைமறைவாகி விட்டார்.
பின்னர், ஷைலேஷ் வீட்டிற்கு வந்த அவரது சகோதரர் அவரை பார்த்ததும் உடனே மருத்துவமனைக்கு அழைத்து சென்றார். ஆனால், சிகிச்சை பலனின்றி அவர் உயிரிழந்தார்.
தான் உணவில் விஷம் வைத்து கலந்து கொடுத்து விட்டதாக ஷைலேஷின் சகோதரருக்கு சவிதா வீடியோ எடுத்து அனுப்பியிருந்தார். இதன் பின்னர், தலைமறைவாகி இருந்த சவிதாவை பொலிஸார் கைது செய்தனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
