இளம் பெண் ஒருவருக்கு விதிக்கப்பட்ட கல்லால் அடித்து மரண தண்டனை: அவர் செய்த குற்றம்

ஆப்கானிஸ்தானில் இளம் பெண் ஒருவர், சிறுமிகளுக்கு ரகசியமாக டேக்வாண்டோ பயிற்சி அளித்ததற்காகக் கைது செய்யப்பட்ட நிலையில், கற்களால் அடித்துக் கொல்லப்படும் தண்டனையை எதிர்கொள்ள நேரிடலாம் என்ற தகவல் வெளியாகியுள்ளது.

தாலிபான் ஒழுக்கப் பிரிவு

22 வயதான கதிஜா அஹ்மத்சாதா, தனது வீட்டில் உள்ள ஒரு மறைவானப் பகுதியில் மாணவர்களுக்குப் பயிற்சி அளிப்பதன் மூலம் பெண்கள் விளையாட்டு விளையாடுவதற்கான தடையை மீறி வருகிறார் என்பதைத் தாலிபான் ஒழுக்கப் பிரிவு படையினர் கண்டுபிடித்ததைத் தொடர்ந்து, ஜனவரி 10 அன்று அவரைக் கைது செய்தனர்.

அஹ்மத்சாதா தனது அமைதியான எதிர்ப்பிற்காக மிகப்பெரிய விலையைக் கொடுக்க நேரிடும் என்று மனித உரிமைகள் ஆர்வலர்கள் தற்போது அஞ்சுகின்றனர்.

பிரித்தானிய-ஆப்கானிய சமூக ஆர்வலர் ஷப்னம் நசிமி தெரிவிக்கையில், அஹ்மத்சாதாவுக்கு ஏற்கனவே தண்டனை விதிக்கப்பட்டிருக்கலாம் என்ற அச்சத்தை வெளிப்படுத்தியுள்ளார்.

கல்லால் அடித்து தண்டனை என்றால் என்னவென்று தெரியாதவர்களுக்காக, அது ஒரு உயிருள்ள மனிதனின் மீது கற்களை எறிந்து, அவர் இரத்தம் சிந்தி, மயங்கி விழுந்து இறக்கும் வரை தாக்குவதாகும் என அவர் விளக்கமும் அளித்துள்ளார்.

அஹ்மத்சாதாவின் கைதுக்குப் பிறகு அவரது குடும்பத்தினர் கடும் நெருக்கடிக்குத் தள்ளப்பட்டிருப்பதாகவும், சர்வதேச அழுத்தம் மட்டுமே அவர் உயிர் பிழைப்பதற்கான ஒரே வாய்ப்பாக இருக்கக்கூடும் என்றும் நசிமி கூறியுள்ளார்.

மேலும், இந்த வழக்கில் உலக நாடுகளின் கவனத்தை ஈர்ப்பது, தாலிபான்கள் இரகசியமாகச் செயல்படுவதற்குப் பதிலாக, கண்காணிப்பு மற்றும் தலையீட்டிற்குப் பயந்து தயங்கும்படி அவர்களைத் தூண்டும் என்றும் அவர் கூறியுள்ளார்.

டாடா குழுமத்திற்கு கெட்ட செய்தி... ஐந்து மடங்கு சரிந்த லாபம்: பங்குகளின் விலை 36 சதவீதம் சரிவு

கதீஜா போதுமான அளவு பிரபலமானால், அவர்கள் பின்வாங்கக்கூடும். மட்டுமின்றி, அவர்கள் அவளுக்கு ஒரு எச்சரிக்கையுடன் அவளை விடுவிக்கக்கூடும் என்று நசிமி கூறினார்.

நசிமி வெளியிட்டுள்ள தகவலின் அடிப்படையில், ஆப்கானிஸ்தானின் மேற்குப் பகுதியில் உள்ள அஹ்மத்சாதாவின் வீட்டில் தாலிபான் ஒழுக்க அதிகாரிகள் சோதனை நடத்தி, அந்த நடவடிக்கையின் போது அவரை வீட்டிலிருந்து வெளியே இழுத்துச் சென்றதாக சாட்சிகள் கூறுகின்றனர்.

அஹ்மத்சாதா தனது தந்தையுடன் கைது செய்யப்பட்டதாகவும், இருவரும் ஒரு வாரத்திற்கும் மேலாகக் காவலில் வைக்கப்பட்டிருந்ததாகவும் அவர் கூறினார். அஹ்மத்சாதாவின் இருப்பிடம் அல்லது சட்டப்பூர்வ நிலை குறித்து அவரது குடும்பத்தினருக்கு எந்த அதிகாரப்பூர்வ தகவலும் கிடைக்கவில்லை, அதே நேரத்தில் ஒரு தாலிபான் நீதிபதி அவரது வழக்கை விசாரித்து வருவதாகக் கூறப்படுகிறது.

அவரது தடுப்புக்காவல் தொடர்பான வெளிப்படைத்தன்மை இல்லாதது அவரை கடுமையான ஆபத்தில் ஆழ்த்தியுள்ளது என்று ஆர்வலர்கள் அஞ்சுகின்றனர்.

முழுமையான தடை

2021-ல் தலிபான்கள் மீண்டும் ஆட்சிக்கு வந்த பிறகு, பெண்கள் மற்றும் சிறுமிகள் மீது பரவலான கட்டுப்பாடுகளை விதித்ததைத் தொடர்ந்து இந்த கைது நடவடிக்கை நிகழ்ந்துள்ளது.

இந்தக் கட்டுப்பாடுகளில், பெண்கள் விளையாட்டுகளில் பங்கேற்பதற்கு முழுமையான தடை விதிக்கப்பட்டுள்ளது. பெண்கள் பயிற்சி பெறுவதற்கும், போட்டிகளில் பங்கேற்பதற்கும், பயிற்சியளிப்பதற்கும் தடை விதிக்கப்பட்டது.

அதிகாரிகள் விளையாட்டை இஸ்லாமிய விரோதமானது என்று அறிவித்து, பெண்கள் பொதுவெளியில் இருந்து விலகி இருக்க வேண்டும் என்றும் வலியுறுத்தினர்.

தனிப்பட்ட சூழல்களில் கூட தடையை மீறும் பெண்களுக்கு ஏற்படும் கடுமையான ஆபத்துக்களை அஹ்மத்சாதாவின் வழக்கு எடுத்துக்காட்டுகிறது என்று ஆர்வலர்கள் கூறுகின்றனர்.

இந்தக் கைது நடவடிக்கை ஆப்கானியப் பெண்கள் உரிமை ஆர்வலர்கள் மற்றும் விளையாட்டுத் துறையினரிடையே போராட்டங்களைத் தூண்டியுள்ளது.

அவர்கள் இந்தக் கைதை அடிப்படைச் சுதந்திரங்களுக்கு எதிரான ஒரு அவமதிப்பு என்று கண்டித்து, அவரை உடனடியாக விடுதலை செய்யுமாறு கோரிக்கை விடுத்துள்ளனர்.