லங்காசிறி FM
நயாகரா நீர்வீழ்ச்சியில் குதித்து உயிரை மாய்த்துக்கொண்ட இளம்பெண்: இரண்டாவது துரதிர்ஷ்ட சம்பவம்
கடந்த வாரம், தன் இரண்டு பிள்ளைகளுடன் ஒரு பெண் நயாகரா நீர் வீழ்ச்சியில் குதித்து உயிரை மாய்த்துக்கொண்ட சம்பவத்தின் பரபரப்பு அடங்குவதற்குள், மற்றொரு பெண் அதே இடத்தில் குதித்து உயிரை மாய்த்துக்கொண்டுள்ளார்.
நயாகரா நீர்வீழ்ச்சியில் குதித்த பெண்
நயாகாரா நதியில் அமைந்துள்ள Goat Island என்னும் தீவில், Horseshoe Falls என்னும் பிரபலமான நீர்வீழ்ச்சியில் குதித்து பெண்ணொருவர் உயிரை மாய்த்துக்கொண்டுள்ளார்.
அவர் வேண்டுமென்றே குதித்ததாகத்தான் தெரிகிறது என அந்த துரதிர்ஷ்டக் காட்சியைக் கண்ணால் கண்டவர்கள் தெரிவித்துள்ளார்கள்.
அவர் யார், எந்த பகுதியைச் சேர்ந்தவர் என்பது தெரியாத நிலையில், அவரது உடலைத் தேடும் முயற்சியில் பொலிசார் ஈடுபட்டுவருகிறார்கள்.
இரண்டாவது துரதிர்ஷ்ட சம்பவம்
விடயம் என்னவென்றால், சில நாட்கள் இடைவெளியில் ஒரு பெண் இப்படி நயாகரா நீர்வீழ்ச்சியில் குதித்து உயிரை மாய்த்துக்கொள்வது, இது இரண்டாவது துரதிர்ஷ்ட சம்பவமாகும்.
கடந்த வாரம், அதாவது, அக்டோபர் மாதம் 28ஆம் திகதி, நியூயார்க்கைச் சேர்ந்தவரான Chianti Means (33) என்னும் பெண், தன் பிள்ளைகளான ஐந்து மாதக் குழந்தை Mecca Means, மற்றும் 9 வயது மகனான Roman Rossman ஆகிய இருவருடன் நயாகரா நீர்வீழ்ச்சியில் குதித்து உயிரை மாய்த்துக்கொண்டது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், Toronto, Canada, பேர்ண், Switzerland
06 Nov, 2023
