லங்காசிறி FM
குடியுரிமை இல்லாமல் 55 ஆண்டுகளாக இந்தியாவில் வசிக்கும் பெண்! உயர்நீதிமன்றத்தில் கோரிக்கை
குடியுரிமை ஆவணங்கள் அல்லது இந்திய பாஸ்போர்ட் இல்லாமல் 50 ஆண்டுகளுக்கும் மேலாக இந்தியாவில் வசிக்கும் 66 வயதான பெண் ஒருவர் தனக்கு குடியுரிமை வழங்க மத்திய அரசுக்கு உத்தரவிடக் கோரி மும்பை உயர் நீதிமன்றத்தை அணுகினார்.
இந்திய வம்சாவளியைச் சேர்ந்த இலா போபட் (Ila Popat), நீதிபதி எஸ்.வி.கங்கபூர்வாலா தலைமையிலான அமர்வு முன் தாக்கல் செய்த மனுவில், தான் கிழக்கு ஆப்பிரிக்காவில் உள்ள உகாண்டாவில் பிறந்ததாகவும், 1956-ஆம் ஆண்டு தனக்கு பத்து வயதாக இருந்தபோது தனது தாயின் இந்திய பாஸ்போர்ட்டில் இந்தியா வந்ததாகவும் கூறினார்.
அவர் 10 ஆண்டுகளுக்குப் பிறகு ஒரு இந்திய குடிமகனை மணந்தார், இப்போது இரண்டு குழந்தைகள் மற்றும் பல பேரக்குழந்தைகள் உள்ளனர், அவர்கள் அனைவரும் இந்திய குடிமக்கள்.
இந்த இடைப்பட்ட ஆண்டுகளில் அவர் இந்திய பாஸ்போர்ட்டுக்கு மூன்று முறை விண்ணப்பித்தார், ஆனால் ஆவணங்கள் இல்லாததால் ஒவ்வொரு முறையும் அவரது கோரிக்கை நிராகரிக்கப்பட்டது.
10 மாத குழந்தைக்கு அரசுப் பணி! வரலாற்றில் இதுதான் முதல் முறை
2018-19 ஆம் ஆண்டில் தான் இந்திய பாஸ்போர்ட்டைப் பெறுவதற்கு முன்பு முதலில் இந்தியக் குடியுரிமைக்கு விண்ணப்பித்திருக்க வேண்டும் என்று அதிகாரிகள் தன்னிடம் கூறியதாக அவர் உயர்நீதிமன்றத்தில் தெரிவித்தார்.
அதன்படி, 2019-ஆம் ஆண்டில், மனுதாரர் இலா போபட் ஆன்லைனில் குடியுரிமைக்கு விண்ணப்பித்தார், ஆனால் அவரது விசா விவரங்களில் "கவனக்குறைவான தவறு" காரணமாக அது அதிகாரிகளால் நிராகரிக்கப்பட்டது.
ஜப்பான் முன்னாள் பிரதமர் மேடையில் சுடப்பட்ட தருணம்., இணையத்தில் பரவும் வீடியோ
அரசு வக்கீல் அத்வைத் சேத்னா, போபட் தனது பிறப்புச் சான்றிதழையோ அல்லது அவள் எப்படி இந்தியாவுக்கு வந்தாள் என்பதை நிரூபிக்கும் தேவையான பிற ஆவணங்களையோ சமர்ப்பித்தால் மட்டுமே குடியுரிமை வழங்க முடியும் என்று உய்ரநீதிமன்றத்தில் கூறினார்.
மனுதாரர் உகாண்டாவில் உள்ள தூதரகத்தை அணுகி அவர்களிடமிருந்து தேவையான ஆவணங்களைப் பெறலாம் என்றும் சேத்னா பரிந்துரைத்தார். இந்த மனுவை ஆகஸ்ட் 22-ம் தேதி உயர்நீதிமன்றம் விசாரிக்கவுள்ளது.
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
கொழும்பு, புங்குடுதீவு 10ம் வட்டாரம், ஜேர்மனி, Germany, Scarborough, Canada
25 May, 2021
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
புங்குடுதீவு 11ம் வட்டாரம், London, United Kingdom, அரியாலை
19 May, 2024
