இலங்கைக்கு எதிராக முதல் சதம்! ஒருநாள் தொடரை முழுமையாக கைப்பற்றிய நியூசிலாந்து அணி

Sri Lanka Cricket New Zealand Cricket Team

By Sivaraj Mar 09, 2025 07:34 AM GMT

Sivaraj

in கிரிக்கெட்

Report

இலங்கை அணிக்கு எதிரான கடைசி ஒருநாள் போட்டியில், நியூசிலாந்து 98 ஓட்டங்கள் வித்தியாசத்தில் வெற்றி பெற்று தொடரைக் கைப்பற்றியது.

ஜார்ஜியா ப்லிம்மர் சதம்

Saxton Oval மைதானத்தில் நடந்த மூன்றாவது ஒருநாள் போட்டியில் நியூசிலாந்து மற்றும் இலங்கை அணிகள் மோதின.

முதலில் களமிறங்கிய நியூசிலாந்து அணி 6 விக்கெட்டுக்கு 280 ஓட்டங்கள் குவித்தது. முதல் ஒருநாள் சதம் விளாசிய ஜார்ஜியா ப்லிம்மர் (Georgia Plimmer) 112 ஓட்டங்கள் எடுத்தார். இதில் 2 சிக்ஸர், 8 பவுண்டரிகள் அடங்கும்.

Georgia Plimmer

அணித்தலைவர் சுஸி பேட்ஸ் 53 ஓட்டங்களும், ப்ரூக் ஹாலிடே 36 ஓட்டங்களும், மேடி கிரீன் 32 ஓட்டங்களும் எடுத்தனர். சுகந்திகா 3 விக்கெட்டுகள் வீழ்த்தினார்.

பின்னர் களமிறங்கிய இலங்கை அணி ஜெஸ் கெர்ரின் அபார பந்துவீச்சில் தொடக்க விக்கெட்டுகளை இழந்தது.

Chamari Athapaththu

கவிஷா தில்ஹாரி, நிலக்ஷி டி சில்வா கூட்டணி ஓரளவு ஓட்டங்களை சேர்த்தது. கவிஷா 45 (54) ஓட்டங்களும், நிலக்ஷி டி சில்வா 45 (73) ஓட்டங்களும் எடுத்தனர்.

நியூசிலாந்து வெற்றி

அதன் பின்னர் வந்த வீராங்கனைகள் சொதப்ப, இலங்கை அணி 182 ஓட்டங்களுக்கு ஆல்அவுட் ஆனது. ஜெஸ் கெர், பிரான் ஜோனஸ் தலா 3 விக்கெட்டுகளும், ப்ரூக் ஹாலிடே மற்றும் கிரீன் தலா 1 விக்கெட்டும் கைப்பற்றினர்.