ஒன்பது நாட்களுக்குப் பிறகு... நேபாள நீர்மின் சுரங்கத்திலிருந்து உயிருடன் மீட்கப்பட்ட இருவர்

Two workers pulled alive from hydropower tunnel: நீர்மின் சுரங்கத்தியிலிருந்து இரண்டு தொழிலாளர்கள் உயிருடன் மீட்கப்பட்டனர்.

நேபாளத்தில் ஏற்பட்ட மிக மோசமான வெள்ளப்பெருக்கில் சிக்கிக்கொண்ட இருவர், ஒன்பது நாட்களுக்குப் பிறகு நீர்மின் நிலையச் சுரங்கத்திலிருந்து உயிருடன் மீட்கப்பட்டுள்ளனர்.

கடந்த வாரம் நேபாளத்தில் ஏற்பட்ட கடுமையான வெள்ளத்தால் மிக மோசமாகப் பாதிக்கப்பட்ட பகுதிகளில் ஒன்றில் அமைந்துள்ள 'திரிசூலி 3A' நீர்மின் திட்டத்தின் சுரங்கத்தில், தொடர்ந்து நடைபெற்று வந்த மீட்பு நடவடிக்கையின்போது தொழிலாளர்கள் மீட்கப்பட்டனர்.

மீட்கப்பட்ட முதல் நபர் சேறு பூசிய நிலையில், மீட்பாளர் ஒருவரின் தோளில் சுமந்து செல்லப்படும் காட்சிகளை உள்ளூர் செய்தி ஊடகங்கள் வெளியிட்டுள்ளன.

சஞ்சய் ஷா என்பவர் முதலில் மீட்கப்பட்டு, திரிசூலியில் உள்ள நேபாள ராணுவ முகாமிற்கு அழைத்துச் செல்லப்பட்டார். அதனைத் தொடர்ந்து, கபீர் மஹர்ஜன் என்று அடையாளம் காணப்பட்ட மற்றொரு நபரும் சுரங்கத்திலிருந்து மீட்கப்பட்டார்.

சுரங்கத்திற்குள் 170 மீற்றர் ஆழத்திலிருந்து அவர்கள் மீட்கப்பட்டதாக ராணுவ செய்தித் தொடர்பாளர் பிரிகேடியர் ஜெனரல் ராஜா ராம் பாஸ்நெட் உறுதிப்படுத்தினார்.

அணு ஆயுதத் தாக்குதலில் இருந்து பிரித்தானியாவைக் காப்பாற்றினேன்... ட்ரம்ப் மீண்டும் அதிரடி

சஞ்சய் ஷா அப்பர் திரிசூலி 3Aல் போர்மேனாகவும், கபீர் மஹர்ஜன் மேற்பார்வையாளராகவும் செயல்பட்டு வந்துள்ளனர். கடந்த வாரம் ஏற்பட்ட பேரிடரில் சிக்கி, ​​போட்டே கோஷி மற்றும் திரிசூலி ஆறுகளின் கரையிலிருந்த பெரும்பாலான நீர்மின் திட்டங்கள் அழிந்துபோயின.

மீட்புப் பணிகள் நீர்மின் நிலையச் சுரங்கங்களை மையமாகக் கொண்டு தீவிரப்படுத்தப்பட்டுள்ளன; அங்குள்ள காற்று இடைவெளிகள் காரணமாகத் தொழிலாளர்கள் ஒரு வாரத்திற்கும் மேலாக உயிர் பிழைத்திருக்கக்கூடும் என்று அதிகாரிகள் கருதுகின்றனர்.

இதுவரை 270-க்கும் மேற்பட்டோர் மீட்கப்பட்டுள்ளனர். அப்பர் திரிசூலி 3A (Upper Trishuli 3A) நிலையத்தில், அடர்த்தியான சேறு காரணமாக மீட்புப் பணியாளர்கள் சுரங்கங்களைக் கண்டறிய ஏறக்குறைய ஆறு நாட்கள் தேவைப்பட்டன.

சுரங்கப்பாதையின் நுழைவாயிலில் உள்ள சேறு மற்றும் பெரிய பாறைகளை அகற்றுவதற்காக, ராணுவத்தினரும் சிறப்புப் பணிக் குழுக்களும் இரவு பகலாகப் பணியாற்றி வருகின்றனர்.

வெள்ளிக்கிழமை அதிகாலையில் ஒரு முக்கிய முன்னேற்றம் ஏற்பட்டதைத் தொடர்ந்து, உள்ளே பலருடைய குரல்கள் கேட்டது உறுதிப்படுத்தப்பட்டது. திரிசூலி ஆற்றங்கரையில் நடைபெறும் நீர்மின் திட்டத்தில் குறைந்தது 557 தொழிலாளர்கள் காணாமல் போயுள்ளனர், அவர்களில் சுமார் 115 பேர் பிரதான சுரங்கத்தில் சிக்கியிருக்கலாம் என நம்பப்படுகிறது.

மொத்தத்தில், இமயமலையின் உயரமான பகுதிகளில் உள்ள 12 நீர்மின் திட்டங்களில் இருந்து சுமார் 900 தொழிலாளர்கள் காணாமல் போயுள்ளதாக உள்ளூர் அதிகாரிகள் மதிப்பிட்டுள்ளனர். அவர்களில் ஏறத்தாழ 500 பேர் சுரங்கங்களில் சிக்கியிருக்கலாம் என நம்பப்படுகிறது.