லங்காசிறி FM
இந்தியா - அவுஸ்திரேலியா இறுதிப் போட்டி... உச்சம் தொட்ட விமான டிக்கெட் கட்டணம்
குஜராத் மாநிலத்தின் அகமதாபாத்தில் இந்தியா - அவுஸ்திரேலியா மோதும் கிரிக்கெட் உலகக் கிண்ணம் இறுதிப் போட்டி முன்னெடுக்கப்படுவதால் விமான டிக்கெட் கட்டணம் ராக்கெட் வேகத்தில் உயர்ந்துள்ளது.
தற்போது ரூ 100,000
ஞாயிறன்று 19ம் திகதி அகமதாபாத்தில் இந்தியா - அவுஸ்திரேலியா மோதும் கிரிக்கெட் உலகக் கிண்ணம் இறுதிப் போட்டி முன்னெடுக்கப்படுகிறது. வெளியான தகவலின் அடிப்படையில் அகமதாபாத்தில் ஹொட்டல் அறைக்கான கட்டணமானது தற்போது ரூ 100,000 என்றே கூறப்படுகிறது.
பொதுவாக மும்பையில் இருந்து அகமதாபாத் செல்ல விமான கட்டணம் என்பது ரூ 5,000 முதல் ரூ 7,000 வரையில் இருக்கும். ஆனால் தற்போது இதே விமான டிக்கெட் ரூ 32,000 என அதிகரித்துள்ளது.
டெல்லியில் இருந்து எவரேனும் அகமதாபாத் செல்வதாக இருந்தால் தற்போதைய விமான டிக்கெட் கட்டணமானது ரூ 26,500 என்றே கூறப்படுகிறது. அகமதாபாத்தில் உள்ள சதாரண ஹொட்டலில் தற்போது ஒரு நாள் இரவு தங்க ரூ 10,000 வசூலிக்கப்படும் நிலை உள்ளது.
ஹொட்டல் கட்டணங்கள் 20 மடங்கு
மட்டுமின்றி 4 மற்றும் 5 நட்சத்திர ஹொட்டல்களில் இரு நாள் இரவு தங்குவதற்கான கட்டணம் ரூ 100,000 என அதிகரித்துள்ளது. அகமதாபாத் நகரில் அமைந்துள்ள ITC Narmada ஹொட்டலில் கிரிக்கெட் காரணமாக ஒரு நாள் இரவுக்கு ரூ 236,000 வசூலிக்கப்படுகிறது.
Hyatt Regency ஹொட்டலில் ரூ 238,360 வசூலிக்கப்படுகிறது. ஹொட்டல் கட்டணங்கள் 20 மடங்கு வரையில் அதிகரித்துள்ள நிலையில், இந்தியா - பாகிஸ்தான் ஆட்டத்தின் போது பல ரசிகர்கள் மருத்துவமனைகளில் இரவு தங்கும் பொருட்டு, முழு உடல் பரிசோதனைக்கான கட்டணம் செலுத்தி, தங்கியுள்ளதாகவும் தகவல் வெளியாகியுள்ளது.
ஞாயிற்றுக்கிழமை அகமதாபாத்தில் நடைபெறும் உலகக் கிண்ணம் இறுதிப் போட்டியில் இந்தியா ஐந்து முறை சேம்பியனான அவுஸ்திரேலியாவை எதிர்கொள்கிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கரம்பொன் தெற்கு, பிரான்ஸ், France, Commune de Monaco, Monaco, London, United Kingdom
25 Apr, 2024
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
சாவகச்சேரி, கிளிநொச்சி முரசுமோட்டை 3ம் யூனிற், Jaffna, Markham, Canada
03 May, 2024
