லங்காசிறி FM
ஹமாஸ் அமைப்பின் புதிய தலைவர் நியமனம்., யார் இந்த யாஹ்யா சின்வார்?
இஸ்மாயில் ஹனியேவின் மரணத்திற்குப் பிறகு, யாஹ்யா சின்வார் (Yahya Sinwar) ஹமாஸ் அமைப்பின் தலைவராக நியமிக்கப்பட்டுள்ளார்.
இந்த தகவலை ஹமாஸ் செவ்வாய்க்கிழமை வெளியிட்டுள்ளது. முன்னதாக, யாஹ்யா சின்வார் காசாவில் மட்டுமே ஹமாஸுக்கு கட்டளையிட்டுவந்தார்.
ஹனியே கத்தாரில் இருந்து இந்த அமைப்பை நடத்திக் கொண்டிருந்தபோது, சின்வார் காஸாவில் இருந்தார்.
அவர் 2017-இல் காஸாவின் தலைவராக நியமிக்கப்பட்டதிலிருந்து, அவர் ஒருபோதும் வெளியே தோன்றவில்லை. சின்வாருக்கு ஹமாஸ் மீது வலுவான பிடி உள்ளது.
ஜூலை 1 அன்று, தெஹ்ரானில் உள்ள ஹனியேவின் தளம் ஏவுகணையால் தாக்கப்பட்டது. இதில் ஹனியேவும் அவரது மெய்க்காப்பாளர் ஒருவரும் கொல்லப்பட்டனர்.
ஹனியேவின் தலைமையில் ஹமாஸ் கடந்த ஆண்டு அக்டோபர் 7-ஆம் திகதி இஸ்ரேல் மீது 75 ஆண்டுகளில் இல்லாத அளவிற்கு மிகப்பாரிய தாக்குதலை நடத்தியது. இதில் 1,200க்கும் மேற்பட்டோர் உயிரிழந்தனர். சின்வார் அதன் மூளையாக இருந்தார்.
ஹமாஸின் தலைவராக சின்வார் ஏன் தேர்ந்தெடுக்கப்பட்டார்?
ஒரு தலைவரின் மரணத்திற்குப் பிறகு, துணைத் தலைவர் அவரது இடத்தைப் பெறுகிறார், ஆனால் ஹமாஸின் துணைத் தலைவராக இருந்த சலே அல்-அரூரி இந்த ஆண்டு ஜனவரியில் கொல்லப்பட்டார்.
ஹமாஸின் நம்பர்-2 தலைவர் சலே அல்-அரூரியை ட்ரோன் தாக்குதலில் இஸ்ரேல் ராணுவம் கொன்றது.
ஹமாஸின் அரசியல் பிரிவில் நம்பர்-1 மற்றும் நம்பர்-2 இரு நாற்காலிகளும் காலியாகிவிட்டன.
தற்போது, காஸாவில் இஸ்ரேலின் போரின் நிலையை சின்வாரை விட நன்கு புரிந்து கொள்ளக்கூடிய தலைவர் ஹமாஸில் இல்லை. இப்படிப்பட்ட சூழ்நிலையில் அவர் தலைவராக நியமிக்கப்பட்டுள்ளார்.
பணயக்கைதிகள் விடுதலை மற்றும் போர் நிறுத்தம் தொடர்பான முக்கிய முடிவுகளை இனி சின்வார் மட்டுமே எடுப்பார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Yahya Sinwar, New Hamas Leader Yahya Sinwar
பருத்தித்துறை, திருகோணமலை, கொழும்பு, London, United Kingdom, Toronto, Canada
30 Oct, 2025
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
புங்குடுதீவு 2ம் வட்டாரம், புங்குடுதீவு குறிகட்டுவான், கனடா, Canada
03 Nov, 2013
அனலைதீவு, கன்னாதிட்டி, Velbert, Germany, Brampton, Canada
04 Nov, 2022
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024