லங்காசிறி FM
எந்தவொரு அடமானமும் இல்லாமல் ரூ.20 லட்சம் வரை கடன் பெறலாம்.., இந்திய அரசின் திட்டம் பற்றி தெரியுமா?
சிறு, குறு மற்றும் நடுத்தர தொழில் வளர்ச்சிக்காக இந்திய அரசால் உருவாக்கப்பட்ட திட்டத்தை பற்றி இந்த பதிவில் பார்க்கலாம்.
PMMY (Pradhan Mantri Mudra Yojana)
பிரதமர் நரேந்திர மோடி தலைமையிலான இந்திய அரசு 2015 -ம் ஆண்டில் பிரதான் மந்திரி முத்ரா யோஜனா, (PMMY) என்னும் திட்டதை அறிமுகம் செய்தது.
இந்த திட்டத்தின் மூலம் கிராமப்புறம் மற்றும் நகர்ப்புறங்களில் தொழில் தொடங்குபவர்கள் ரூ.10 லட்சம் வரை எளிதாக கடன் பெற முடியும். இதில் முக்கிய அம்சம் என்னவென்றால் எந்தவொரு அடமனமும் இல்லாமல் கடனை பெறலாம்.
முத்ரா ஒரு மறுநிதியளிப்பு நிறுவனம் என்பதால் நேரடியாக கடன் வழங்காமல் வங்கிகள், பிற கடனளிப்பு நிறுவனங்கள் மூலம் கடன் வழங்க உதவுகிறது. அதாவது, சிறு தொழில்களுக்கு கடன் வழங்குவதற்கான நிதியை வங்கிகளுக்கு முத்ரா திட்டம் அளிக்கிறது.
இந்த திட்டத்தின் மூலம் கார்ப்பரேட் நிறுவனங்களோ அல்லது விவசாயம் செய்பவர்களோ கடன் பெற முடியாது. ஏனெனில் விவசாயம் செய்பவர்களுக்கு ஏராளமான திட்டங்கள் உள்ளன.
இந்த திட்டத்தில் மூன்று விதமான கடன்கள் வழங்கப்படுகின்றன.
* Shishu Mudra Loan - ரூ.50,000 வரை கடன் பெறலாம்.
* Kishor Mudra Loan - ரூ.50,000 -க்கு மேல் மற்றும் ரூ.5 லட்சம் வரை கடன் பெறலாம்.
* Tarun Mudra Loan - ரூ.5 லட்சத்துக்கு மேல் மற்றும் ரூ.10 லட்சம் வரை கடன் பெறலாம்.
தற்போதைய பட்ஜெட் அறிவிப்பிற்கு பிறகு வருண் திட்டத்தில் உள்ள ரூ.10 லட்சம் கடன் வரம்பை ரூ.20 லட்சமாக உயர்த்தப்பட்டுள்ளது. இந்த கடன் தொகை அனைவருக்கும் கிடைக்க வாய்ப்பில்லை.
அதாவது, முத்ரா திட்டத்தின் கீழ் தருண் பிரிவில் ரூ.10 லட்ச ரூபாய் கடன் பெற்று சரியான முறையில் திருப்பி செலுத்தியிருப்பவர்கள், இந்த கடனை பெற விண்ணப்பித்து ரூ.20 லட்சம் வரை கடன் பெற முடியும். புதிதாக விண்ணப்பிப்பவர்கள் இந்த கடனை பெற முடியாது.
இந்த திட்டத்தினை பெறுவதற்கு நீங்கள் அருகில் உள்ள வங்கிகளுக்கு சென்று விண்ணப்பத்தை பூர்த்தி செய்ய வேண்டும். அங்கு, உங்களுடைய தொழில் சார்ந்த ஆவணங்கள், போட்டோ, அடையாளச் சான்று, முகவரி சான்று ஆகியவற்றை சமர்ப்பிக்க வேண்டும்.
பின்னர், நீங்கள் கொடுத்த ஆவணங்களை வங்கிகள் சரிபார்த்த ஒரு மாதத்திற்குள் கடன் வழங்கப்படும். அதேபோல ஆவணங்கள் சரியில்லாத பட்சத்தில் விண்ணப்பங்கள் நிராகரிக்கவும் வாய்ப்பு உண்டு.
நீங்கள் வாங்கும் ஒட்டுமொத்த தொகைக்கும் வட்டி செலுத்த வேண்டியதில்லை. முத்ரா கார்டு மூலம் எவ்வளவு தொகையை செலவு செய்துள்ளீர்களோ அந்த தொகைக்கான வட்டியை மட்டும் செலுத்தினால் போதும். இந்த திட்டத்தின் கீழ் 18 வயதை நிரம்பிய யார் வேண்டுமானாலும் கடனை பெறலாம்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
