லங்காசிறி FM
ஜெலென்ஸ்கியை நாட்டை விட்டே துரத்த ட்ரம்ப் திட்டம்: போர் வெற்றியை அறிவிக்கவிருக்கும் ரஷ்யா
அமெரிக்கா - உக்ரைன் இடையே அதிகரித்து வரும் பதட்டங்களுக்கு மத்தியில் ஜெலென்ஸ்கி நாட்டை விட்டு உடனடியாக வெளியேற வேண்டும் என வெள்ளை மாளிகை அதிகாரிகள் மிரட்டியுள்ளதாக தகவல் வெளியாகியுள்ளது.
உடன்பட வேண்டும்
அமெரிக்க ஜனாதிபதியாக டொனால்டு ட்ரம்ப் பொறுப்புக்கு வந்ததில் இருந்தே, உக்ரைன் போர் முடிவுக்கு கொண்டுவரப்படும் என தெரிவித்து வந்துள்ளார். இதன் ஒருபகுதியாக சவுதி அரேபியாவில் ரஷ்யா மற்றும் அமெரிக்க அதிகாரிகள் பேச்சுவார்த்தையும் முன்னெடுத்தனர்.
ஆனால் குறித்த பேச்சுவார்த்தையில் உக்ரைன் மற்றும் ஐரோப்பிய நாடுகளின் பிரதிநிதிகளுக்கு அழைப்பு விடுக்கப்படவில்லை. மட்டுமின்றி, அமெரிக்கா செலவிட்டுள்ள தொகைக்கு ஈடாக 500 பில்லியன் டொலர் மதிப்பிலான கனிம வளங்கள் தொடர்பான ஒப்பந்தத்தில் உக்ரைன் உடன்பட வேண்டும் என்ற அழுத்தத்தை ட்ரம்ப் நிர்வாகம் அளிக்கத் தொடங்கியது.
ஆனால் உக்ரைன் முன்வைக்கும் நிபந்தனைகளை ஏற்க அமெரிக்கா மறுத்த நிலையில், இரு நாடுகளுக்கும் இடையேயான உறவில் விரசல் ஏற்பட்டது. இந்த நிலையில், கிட்டத்தட்ட மூன்று வருடப் போரில் ரஷ்யா வெற்றியை பிரகடனப்படுத்த இருப்பதாக இராணுவ உளவுத்துறை தெரிவித்துள்ளது.
ஜெலெஸ்கியை சர்வாதிகாரி என ட்ரம்ப் முத்திரை குத்தியதை அடுத்து ரஷ்யாவின் பொய்கள் அனைத்தையும் நம்பும் அப்பாவி டொனால்டு ட்ரம்ப் என உக்ரைன் பதிலளித்தது.
பிரான்சில் தஞ்சமடைவது
இந்த நிலையிலேயே, ஜனாதிபதி ட்ரம்புக்கு மிக நெருக்கமான ஒருவர் தெரிவிக்கையில், ஜெலென்ஸ்கி நாட்டை விட்டு வெளியேறி பிரான்சில் தஞ்சமடைவது தற்போதைய சூழலில் உரிய முடிவாக இருக்கும் என்றார்.
மேலும், உக்ரைனில் தேர்தல் முன்னெடுக்கப்பட்டு புதிய தலைவர் பொறுப்புக்கு வர வேண்டும் என அமெரிக்கா விரும்புவதாகவும் அவர் குறிப்பிட்டுள்ளார். உக்ரைன் இராணுவ உளவுத்துறை தெரிவிக்கையில்,
அடுத்த சில நாட்களில், போர் முடிவுக்கு வருவதாகவும் ரஷ்யா வெற்றி பெற்றுள்ளதாகவும் விளாடிமிர் புடின் அறிவிக்கலாம் என குறிப்பிட்டுள்ளது. பிப்ரவரி 24ம் திகதி இந்த அறிவிப்பு வெளியாகலாம் என்றும் உக்ரைன் இராணுவ உளவுத்துறை குறிப்பிட்டுள்ளது.
மட்டுமின்றி, இது நேட்டோ நாடுகளுக்கு எதிரான வெற்றியாகவும் விளாடிமிர் புடின் அறிவிக்கலாம் என்றும் கூறப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பருத்தித்துறை, ஓமான், Oman, India, London, United Kingdom
06 Mar, 2024
கொக்குவில் கிழக்கு, Dortmund, Germany, London, United Kingdom
16 Feb, 2025
மாத்தளை, யாழ்ப்பாணம், மல்லாகம், கிளிநொச்சி, Bruchsal, Germany, London, United Kingdom
14 Jan, 2025
