ஜிம்பாப்பேவிடம் பரிதாப தோல்வியடைந்த பாகிஸ்தான்! அதிர்ச்சியடைந்த ரசிகர்கள்

Pakistan national cricket team Zimbabwe national cricket team

By Sivaraj Nov 25, 2024 05:17 AM GMT

Sivaraj

in கிரிக்கெட்

Report

ஜிம்பாப்பே அணிக்கு எதிரான முதல் ஒருநாள் போட்டியில் பாகிஸ்தான் அணி படுதோல்வி அடைந்தது.

பைசல் அக்ரம், அகா சல்மான்

பாகிஸ்தான் கிரிக்கெட் அணி ஜிம்பாப்பேயில் சுற்றுப்பயணம் செய்து விளையாடி வருகிறது. இரு அணிகளும் இடையிலான முதல் ஒருநாள் போட்டி புலவாயோவில் நேற்று நடந்தது.

முதலில் ஆடிய ஜிம்பாப்பே அணி 40.2 ஓவரில் 205 ஓட்டங்களுக்கு ஆல்அவுட் ஆனது. ங்கரவா 48 (52) ஓட்டங்களும், சிக்கந்தர் ரஸா 39 (56) ஓட்டங்களும் எடுத்தனர்.

Zimbabwe vs Pakistan

பைசல் அக்ரம், அகா சல்மான் தலா 3 விக்கெட்டுகளும், ஆமீர் ஜமால், ஹஸ்னைன் மற்றும் ஹாரிஸ் ராப் தலா ஒரு விக்கெட்டும் கைப்பற்றினர்.

Zimbabwe vs Pakistan

முஸரபாணி கொடுத்த அதிர்ச்சி

பின்னர் களமிறங்கிய பாகிஸ்தான் அணிக்கு முஸரபாணி அதிர்ச்சி கொடுத்தார். அப்துல்லா ஷாஃபிக்கை (1) வெளியேற்றிய அவர், சைம் அயூப் (11) விக்கெட்டையும் கைப்பற்றினார்.

Zimbabwe vs Pakistan

கம்ரான் குலாம் 17 ஓட்டங்களில் சீன் வில்லியம்ஸ் ஓவரில் ஆட்டமிழக்க, ரஸா ஒரே ஓவரில் இரு விக்கெட்டுகளை வீழ்த்தினார்.

அதன் பின்னர் சீன் வில்லியம்ஸ் ஓவரில் இர்ஃபான் கான் (7) ஆட்டமிழக்க, பாகிஸ்தான் அணி 60 ஓட்டங்களுக்கு 6 விக்கெட்டுகளை இழந்து தடுமாறியது.

பாகிஸ்தான் தோல்வி

அப்போது மழை குறுக்கிட்டதால் ஆட்டம் தடைபட்டது. அணித்தலைவர் ரிஸ்வான் 19 ஓட்டங்களுடன் களத்தில் நின்றார்.

நீண்ட மழையால் ஆட்டம் பாதிக்கப்பட்டதால், DLS விதிமுறைப்படி ஜிம்பாப்பே 80 ஓட்டங்கள் வித்தியாசத்தில் வெற்றி பெற்றதாக அறிவிக்கப்பட்டது.

அவுஸ்திரேலியாவுக்கு எதிரான ஒருநாளை தொடரை அதன் சொந்த மண்ணிலேயே கைப்பற்றிய பாகிஸ்தான் அணி, சிறிய அணியான ஜிம்பாப்பேயிடம் படுதோல்வியடைந்தது ரசிகர்களுக்கு அதிர்ச்சி அளித்தது.

Zimbabwe vs Pakistan