லங்காசிறி FM
19 ஆண்டுகளுக்கு பின்னர் மீண்டும் அவுஸ்திரேலியாவை மண்ணை கவ்வ வைத்த ஜிம்பாப்வே
Karthikraja
in கிரிக்கெட்
2026 T20 உலக கிண்ணத்தில் ஜிம்பாப்வே மற்றும் அவுஸ்திரேலியா அணிகள் மோதியது.
ஜிம்பாப்வே வெற்றி
நாணய சுழற்சியில் வென்ற அவுஸ்திரேலிய அணி முதலில் பந்துவீச்சை தேர்வு செய்தது.
இதன்படி, முதலில் துடுப்பாட்டம் ஆடிய ஜிம்பாப்வே அணி, 20 ஓவர்கள் முடிவில் 2 விக்கெட் இழப்பிற்கு 169 ஓட்டங்கள் குவித்தது.
அதிகபட்சமாக, பிரையன் பென்னட் 56 பந்துகளில் 64 ஓட்டங்கள் குவித்தார். ஸ்டோய்னிஸ் மற்றும் க்ரீன் தலா ஒரு விக்கெட்களை கைப்பற்றினர்.
170 ஓட்டங்கள் என்ற வெற்றி இலக்குடன் களமிறங்கிய அவுஸ்திரேலிய அணி, ஜிம்பாப்வே பந்துவீச்சாளர்களுக்கு ஈடு கொடுக்க முடியாமல் தொடக்கம் முதலே திணறியது.
தொடக்க ஆட்டகாரர்களான ஜோஷ் இங்கிலீஸ் 8 ஓட்டங்கள் மற்றும் ட்ராவிஸ் ஹெட் 17 ஓட்டங்கள் என சொற்ப ஓட்டங்களில் ஆட்டமிழக்க, அடுத்துவந்த கேமரூன் கிறீன் மற்றும் டிம் டேவிட் இருவருடக் அவுட் ஆகி அதிர்ச்சி அளித்தனர்.
அதிகபட்சமாக மேட் ரென்ஷா 44 பந்துகளில் 5பவுண்டரி ஒரு சிக்ஸர் உட்பட 65 ஓட்டங்கள் குவித்தார்.
அவுஸ்திரேலிய அணி, 19.3 ஓவர்களில் 146 ஓட்டங்களுக்கு ஆல் அவுட் ஆனது.
ஜிம்பாப்வே தரப்பில் பிளெஸ்ஸிங் முசரபானி மற்றும் பிராட் எவன்ஸ் தலா 4 விக்கெட்களை கைப்பற்றினர்.
4 ஓவர்கள் வீசி 17 ஓட்டங்கள் விட்டுக்கொடுத்து 4 விக்கெட்கள் கைப்பற்றிய பிளெஸ்ஸிங் முசரபானி(Blessing Muzarabani) ஆட்ட நாயகனாக தேர்வு செய்யப்பட்டார்.
அவுஸ்திரேலியாவை வீழ்த்தி ஜிம்பாப்வே அணி 23 ஓட்டங்கள் வித்தியாசத்தில் வெற்றி பெற்றது.
கடந்த 2007 T20 உலக கிண்ணத்தில் அவுஸ்திரேலியா அணியை 5 விக்கெட் வித்தியாசத்தில் ஜிம்பாப்வே வீழ்த்தியது. தற்போது மீண்டும் வீழ்த்தியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், புங்குடுதீவு, கொழும்பு, Basel, Switzerland
15 Mar, 2022
சுழிபுரம், மலேசியா, Malaysia, இலங்கை, பிரித்தானியா, United Kingdom, கனடா, Canada
25 Mar, 2026
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
வேலணை கிழக்கு, கந்தர்மடம், யாழ்ப்பாணம், திருகோணமலை, Markham, Canada
23 Feb, 2026
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026